Pic nic (Aurelio Barzaghi)                                                              

 

Testo originale Traduzione

Pic nic

 

El fà tinta de nagòtt

Poeu el gira in gir a la ruera

el fà tinta de nagòtt

poeu el cascia i man in di sacchett

 

Ona crosta de formagg

e pussee in bass anca on'oliva

mezza fetta de patè

in on tocchell de pan carrè

 

Ma guarda ti se se po' viv inscì

doman e poeu ancamò

con quel che vanzi mi

ma guarda ti se se po' viv insci

insci me fann i ratt

che vann in gir de nòtt

 

M'hann dii semm tucc istess

ma l'è ona stòria

ona stòria che se perd 'me la memòria

el fà tinta de nagòtt

che bell sacchett l'haa faa stasera

el prepara el sò pic-nic

nel tòcch de praa distant di oeucc

 

El fà tinta de nagòtt

poeu el guarda in gir ormai l'è sera

ona pianta de ramm secch

la par el mond pien de lucchett

 

Ma guarda ti se se pò viv insci

doman e poeu ancamò

con quel che vanzi mi

 

M'hann dii semm tucc istess ma l'è ona storia

e adess so pròpri pù ...se el barbon l'è propi

 

Commento

 

Invia i tò penser, i tò emozion (anca in italian o ne la lengua che te par)