Son nassuu in Guglielmo Pepe al numer vott,

el primm dì de l'an...Signor. ch'e rebelott!

La mia mamma ona sartina, el mè papà on autista...

L'è andaa foeura de la pista quand l'ha vist el pistolin:

"A l'è on fiolin! Mariuccia, a l'è on fiolin!...

"L'hoo vist, Angelo'"

Son passaa in via Garigliano al numer trii

e gh'avevi el cess in cà per fà pipì...

poeu giugavi a fà el bandito cont eI Bezzi e col Barbieri,

duu ligera de via Borsieri già quand'eren piscinitt.

Che duu ciappin, quii lì, che duu ciappin.

L'oratori l'era el club di fioeu poverett...

Don Eugenio, quell lì sì che l'era on pret!

Col baston e l'acquasanta, predicando el sò Vangelo,

senza mai dipend dal Cielo, el m'ha tiraa sù 'me on fior...

grazie Signor!

Pagn distes a des a des, in cortil i biciclett

E i ringher pien de gerani e de fiolett.

Gatt e ratt in quantitaa... quanta gent!... che gran

mercaa!...