A la Marianna (Guido Bertini)       

 

Testo originale Traduzione

 

A la Marianna

L'hoo vist! L'hoo vist!...Va là, sta pur quietta
ch'el troeuvi bell anmì el tò car sposin!
Bèi ogitt, bella bocca, bell nasin,
bell faccin peladell de carognetta.

Bèi calzon, bell gilé, bella giacchetta,
bèi camis, bèi cravatt, bell cappellin,
bèi mudand, bèi calzett, bell gipponin,
bell vitin strengiuu sù con la fassetta.

Va là, làssela buj: se a vedell biott
el par on pollastrell stremii,
el bell ghe l'ha de sora, e minga sott!

De scima a fond l'è tutt ona bellezza;
ma, sicome l'è bell domà vestii,
l'è minga on pezza d'omm, l'è on omm de pezza!

 

Commento

 

Invia i tò penser, i tò emozion (anca in italian o ne la lengua che te par)