El poggiorin, e lee

Quell poggiorin, on poggiorin de nient

che gh'emm in la casetta de campagna

l'è on barlafus, ma semm tucc duu content

perchè in del verd ne par de sta in montagna.

Basta trà foeura on brasc, se tocca dent

ona pianta spessa de foeuj, compagna

di noster ciciarad, tant l'è invadent,

intanta che on fior ross de Vall Imagna

el fà l'oggin in d'on vas a ses bocchett.

Lee, le pittura. Tutt el dì I'è lì

a spolverà e'l poggioeu, tegnill bell nett

e la ghe parla, propri 'me fudess mì.

Mì, .scolti e ridi: poeu, pianin pianin

voo a fagh ona carezza in del coppin.