La mia crappa

L'è, la mia crappa, 'me on scompartiment

de robb tucc descompagn; 'na libreria

in doe stampada, gh'è la fantasia,

j sogn, i bej penser, el sentiment.

L'è el roccol di mattann, che dent per dent

se desseden, se pizzen, fann 'legria

se ghe s'cioppa el bugnon de l'energia

ma poeu se quietten, e vann a finì in nient.

De foeura, 'me 'l fudess formagg gruera,

la 'gh'ha on belI poo de bus, sta mia crapponna,

liscia, pelada e che poeu la stonna

senza quell bosch de la soa primavera,

ma che me tocca per fà no on'asnada

de tegnimmela semper ben taccada.