Via Gaetano Boggial

Chì, di volt come mì, el se fuss troaa

vers Via Missaglia, per combinazion,

doe gh'è ona strada ch'hann appenna faa,

el se saria incantaa propi de bon

in del vardà 'me mì, incementaa,

scritt in sul sass, in alt, sora on canton,

el mè cognomm: nett, ciar e stampaa

e ch'e! faseva propi on figuron.

Poer Papà! Chissà 'me l'è content

la sù in Paradis in mezz ai stell,

doe tuttcoss l'è domà d'or e d'argent.

'Na Via, per Lù! EI fatto l'è inscì bell

che svelt da Sant Eligio el sarà andaa

a cuntagh sù la bella novitaa.