Cancell rusgen (Caterina Sangalli Bianchi)    

Cancell rusgen

Dervégh el cadenazz a sto cancell
che prima l'era vèrt a tutt i gent
e lor, vegneven dent,
per la bontaa di mè.

Dervémel sto cancell irrusgenii
col cadenazz che va nè innanz nè indree...
Son chì de foeura, in pee,
voeuj vegnì dent an'mì!

Gh'è pù nissun?... Ma l'è mai proppi vera?
Ma mì, son chì al cancell a guardà dent
e voeuri savè nient
de quell che mi soo nò.

V'el disi an'mò! Dervémel sto cancell,
tiree con tanta forza el cadenazz,
l'è nò rusgen dal sguazz,
ma per el temp ch'è andaa...

Sì...Sì...Hoo capii... Gh'è proppi pù nissun:
Son nò sarada foeura domà mi.
Però, lassém stà chì,
ingenoggiada ai pee del mè cancell!

Cancello arrugginito

Apri il catenaccio a questo cancello

che prima era aperto a tutti

e loro, entravano,

per la bontà dei miei.

Apritemelo questo cancello arrugginito

col catenaccio che non va nè avanti nè indietro...

Sono qua fuori, in piedi,

voglio entrare anch'io!

Non c'è più nessuno? ... Ma è proprio vero?

Ma io, sono qui al cancello a guardar dentro

e non voglio sapere nulla

di quello che io non so.

Ve lo dico ancora! Apritemelo questo cancello,

tirate con tanta forza il catenaccio,

non è arrugginito dalla rugiada,

ma per il tempo che è andato ...

Sì...Sì... Ho capito... Non c'è proprio più nessuno:

Non sono chiusa fuori solo io.

Però, lasciatemi star qui,

inginocchiata ai piedi del mio cancello!