Pee in cornis

Pien de taj, de duroni, de carpogn,
gh'hoo denanz i tò pee, ancamò...
Ma l'è incoeu
che capissi i fadigh,
i rangogn ben sconduu,
mandaa giò in d'on citto bastard
e ostinaa,
per quij ann
che passaven cobbiaa...

Semper biott.

La mattina bonora,
in del sguazz de la nott che sbiaviss,
a bassora,
cont el sô che a quell'ora inlocchiss
dent i stobbi
che spongen d'agost...
Poeu, in del fosch de la sera,
che bonna,
la te dis de casciai dent a moeuj,
per regoeuj
volontaa e pudor
de andà inanz
senza quasi fiadà.

Per restà...semper tì,
a pee biott,
con la pell che diventa coramm
come i pee di tò besti,
e in del stramm
sentiss nò inferior, nè bandii.

E i tò gent,
per "ereditaa",
con la fed e coi bon sentiment,
i pee biott a carpogn t'hann lassaa...

Duu por pee,
che se "a festa vestii"
diventaven per mì forestee,
duu por pee,
che nassuu già indurii,
hinn staa 'l segn d'ona gran nobiltaa,
che mì incoeu...
voeuri mett in cornis,
per tucc quej che poeu i spall
gh'hann voltaa.

Piedi in cornice

Pieni di tagli, di duroni, di grinze,

ho davanti i tuoi piedi, ancora…

ma è oggi

che capisco le fatiche,

i rimproveri ben celati,

ingoiati in un silenzio bastardo

e ostinato,

per quegli anni

che passavano accoppiati …

Sempre nudi.

Il mattino presto

nella rugiada della notte che sbiadisce,

il pomeriggio,

col sole che a quell’ora  frastorna,

nelle stoppie

che pungono d’agosto …

Poi, nel buio della sera,

che buona,

ti dice di metterli a bagno,

per raccogliere

volontà e pudore

di continuare

senza quasi fiatare.

Per rimanere … sempre tu,

a piedi nudi,

con la pelle che diventa cuoio

come i piedi delle tue bestie,

e nello strame

non sentirsi inferiore, ne bandito.

E i tuoi genitori,

per ‘’eredità’’,

con la fede e i buoni sentimenti,

ti hanno lasciato i piedi nudi raggrinziti …

Due poveri piedi,

che se ‘’ vestiti a festa’’

per me diventavano stranieri,

due poveri piedi,

che nati già induriti,

sono stati il segno di una grande nobiltà,

che io oggi …

voglio mettere in cornice,

per tutti quelli che poi

hanno loro voltato le spalle.