L'anima del mur (Pina
De Marchi Dell'Acqua)
L'anima del mur
Scampaa a 'na guerra, come on testimòni,
l'era lì, el mur maester.
Per fà de noeuv i cà
s'hinn pondaa, chi de chì, chi de là.
Sbaratti i gelosii
e m' el troeuvi denanz
long long, malsabbadaa.
A guardall ben però, se po' prusmà
quel che on dì
el mur l'è staa.
Chì i basei hann lassaa el segn.
Là el caminett,
e gh'è ancamò la cappa.
Lì 'na stanzetta
cont i fior rosa pitturaa
e sotta on' altra...
i fior paren celest.
................
Toeuh! Varda i fiolettitt
che giughen, e la nonna
la fa i scalfarottitt.
El papà. .. presonee,
la mama a laorà.
... aerei, sirenn, bombardament...
Stoo mal ancamò!
E anca per il mur
hinn passaa i ann
e come qui veggitt
che stracch e sgigottaa
d'on fioeu a quell'alter,
se saren in del guss
cont i òss consont,
anca quell mur de tucc e de nissun
el mostrava el sò coeur
reumatich e on poo crepp.
Ordinanza del Comune:
- el mur el va reboccaa e pitturaa
Ona man de calcina
voeuna de color gris
me dann l'impression
... de vess in preson!
In d'on canton
ghe sta 'na finestroeula.
EI sô d'april
(che l'è de l'altra part)
el luma tra i fessur...
e tant 'me on remissell
che se desfa pian pian
scarlighen per el mur i sò fil d'or.
On brisinin de verd
crodaa giò da on poggioeu
in on dì de vent,
l' ha mettuu lì i radis:
quatter fojett, adess,
poeu pian pianin el cress,
rampeghen... borlen giò...
rampeghen ancamò.
Ona nivola in corsa
l'ha traa giò 'na sbroffada:
de quatter i fraschett
adess hinn diventaa cinqu, ses, sett.
Rivaa in ricognizion
on' avi e on galavron
el mur hann dessedaa...
Però quell fil de vita
el rugava a on queivun,
a on trist con la mania de comandà
de mettes contra el debol
al pussee scarognaa,
quasi on rifass sul bell
a quell che denter manca,
col gust de fà dispett
e falla franca.
.................
... e ona mattina el sô
l'ha trovaa el mur... biottent.
Quietta, senza on lament
piangeva la soa anima.
Classificata al Premio Sant Ambroeus 1993, Circolo Ambrosiano, Milano
L'anima del muro
Scampato a una guerra, come un testimone,
era lì, il muro maestro.
Per ricostruire le case
si sono appoggiati, chi di qui, chi di là.
Spalanco le persiane
e me lo trovo davanti
lungo lungo, malridotto.
A guardarlo bene però, si può risalire
a quello che un giorno
il muro è stato.
Qui i gradini hanno lasciato il segno.
Là il caminetto,
e c’è ancora la cappa.
Lì una stanzetta
con i fiori rosa dipinti
e sotto un’altra…
i fiori sembrano azzurri.
................
Toh! Guarda i bimbi
che giocano, e la nonna
fa i calzerotti.
Il papà… prigioniero,
la mamma a lavorare.
… aerei, sirene, bombardamenti…
Sto ancora male!
E anche per il muro
sono passati gli anni
e come quei vecchietti
che stanchi e sballottati
da un figlio all’altro,
si chiudono nel guscio
con le ossa consunte,
anche quel muro di tutti e di nessuno
mostrava il suo cuore
reumatico e un po’ crepato.
Ordinanza del Comune:
- Il muro va ristrutturato e ridipinto -
Una mano di calcina
una di grigio
mi danno l’impressione
… di essere in prigione!
In un angolo
c’è una finestrella.
Il sole d’aprile
(che è dall’altra parte)
sbircia tra le fessure…
e come un gomitolo
che si disfa pian piano
scivolano lungo il muro i suoi raggi dorati.
Una briciolina di verde
caduta da un balcone
In un giorno di vento,
ha messo lì le radici:
quattro foglioline, adesso,
poi pian pianino cresce,
si arrampicano…. cadono giù…
e si arrampicano di nuovo.
Una nuvola in corsa
ha lasciato cadere due gocce:
da quattro, ora, i ramoscelli
sono diventati cinque, sei, sette.
Giunti i in ricognizione
un’ape e un calabrone
hanno risvegliato il muro …
Però quel filo di vita
dava fastidio a qualcuno,
a un prepotente con la mania di comandare,
di mettersi contro il debole,
il più sfortunato,
quasi per compensare
quello che dentro gli manca,
con il gusto di fare dispetto
e farla franca.
.................
… e una mattina il sole
ha trovato il muro… nudo.
Quieta, senza un lamento
piangeva la sua anima.
