Se gh'hann i can stasera (Pina De Marchi Dell'Acqua)     

Se gh'hann i can stasera

Se gh'hann i can stasera

de vess inscì rabbios?

El remòla.. .Dio che scur!

I fioeu hinn anmò foeura.

Che frecc me senti indoss,

succedarà quaicoss?

...telefono...ossignor!

"Mama, tutt ben ... s'te gh'hee?

fem tardi a vegnì a cà".

Se gh'hann i can stasera

de seguità a boià?

Riven i fioeu, me quietti.

(ma infin, sti can se gh'hann?)

Me disen... giò del pont...

trii fioeu... contra on cancell,

vun l'è restaa... Mi tremi...

Se gh'hann i can stasera?

Nasen la ranza, e già

l'è sagolla... la và...

1° classificata al premio M.P.Arcangeli - Radio Meneghina 1995-1996