Città de salvà (Mimmo Dimiccoli)                

 

Testo originale Traduzione

 

Città de salvà

 

Sfojand i pagin de i liber de stòria

se legg dove se parla de Milan

de quanta gent la s’è covert de gloria

per cascià via l'invasor lontan

per cinch giornad i nòster antenaa

hann combattu e salvaa sto bel paes

e l'é staa car el prezzi che hann pagaa

per dagh la libertà ai milanes

 

Milan... Milan

ispirazion de musica e poesia

on quader grandios

pitturaa in mezz a la Lombardia

città creada

per viv d'amor e de serenità

ma el tò destin l'é quell de tribulà

anmò ‘na volta te set de salvà.

 

Semm passaa sora a tanti ann de guerra

per l'operosità di meneghin

Milan l'é diventada pussee bella

ma se pò nò staa in pas un ciccinin

se gh'ha paura quand ven giò la sera

girà cont in sacòccia quatter ghej

l'é pegg che vess a la legion straniera

adess se femm la forca tra fradej.

 

 Milan... Milan

ispirazion de musica e poesia

on quader grandios

pitturaa in mezz a la Lombardia

città creada

per viv d'amor e de serenità

ma el tò destin l'é quell de tribulà

anmò ‘na volta te set de salvà.

 

Commento

 

Invia i tò penser, i tò emozion (anca in italian o ne la lengua che te par)