|
El coeur d'on meneghin (Mimmo
Dimiccoli)
|
||
| Testo originale | Traduzione | |
|
El coeur d'on meneghin
Da quand la mia città la s’è sgrandida tra i tanti forestee che gh'é rivaa gh'é on quejvun che l’ha nò capida che a faa el villan gh'é nient de guadagnà perché vess permalos, perché vess diffident se tucc fann come mí nissun se offend
Mí sont nassuu a Milan e sont semper cortes anca cont chi l'é minga milanes me pias la compagnia se gh'é un poo d'allegria me divertissi inscì senza pretes se poeu gh’é ‘na chitarra e pòdi cantà allora s'cioppi de felicità basta ‘na canzonetta e on bon biccer de vin per fà content el coeur d'on meneghin.
Sarà perché numm semm gent a la bòna e lassom perd tanti stupidad gh'emm la madonnina che perdòna chi ciappa gust a famm i carognad e se gh'é on gibilee cercom de ragionà poeu 'ndemm a bev per minga litigà
Mí sont nassuu a Milan e sont semper cortes anca cont chi l'é minga milanes me pias la compagnia se gh'é un poo d'allegria me divertissi inscì senza pretes se poeu gh’é ‘na chitarra e pòdi cantà allora s'cioppi de felicità basta ‘na canzonetta e on bon biccer de vin per fà content el coeur d'on meneghin. |
|
|
