|
La maschera (Mimmo
Dimiccoli)
|
||
| Testo originale | Traduzione | |
|
La maschera
A on ball in maschera de on grand veglion danza ‘na còppia in mezz al salon i alter in gir fann de cornis picchen i man voeuren el bis la scena l'é pròpi bella on numer de quej de class i moviment perfett lor sbaglien nanca on pass ma poeu ad on tratt lù el se lassa andà el borla in terra senza fiadà.
Stee minga lì a guardà tirell in pee soo nò nanca chi l'é la vosa lee tirémegh giò la maschera per carità ma par ch'el fa fadiga a respirà.
Sòtta la maschera ‘na faccia stracca un poo increspada la testa bianca da ver artista el nascondeva cont perucca e carton i ann ch'el gh'aveva poeu s’è faa avanti on scior el dis sont on dottor stee indree el conossi mì peccaa l'é 'dree a morì a l'era quest el so destin: l'é staa in teater on grand ballerin.
Per lù in la vita gh'era domà el ballà ma ormai a l'era vécc col coeur malaa el se truccava in di serat de gala a ghe pareva de tornà a la Scala. |
|
|
