Milan se canta inscì (Mimmo Dimiccoli) 

Milan se canta inscì

Per mi gh'é nient de mej che 'ndà a la sera

in ona piola e cont chitarra in man

cantà in meneghin e faa in manera

de famm capì quand parli de Milan

che bell scoltà 'o mia bella Madonnina

se on coro improvvisaa el me rispond

la nostra l'é 'na madonna pellegrina

che num pòrtom in gir per tutt el mond.

Milan v'el disi mì

per minga fagh dispett

se dev cantalla inscì

col so dialett

e a chi ries no a capì

regali la melodia

cont mi se passa on'ora

in allegria.

Me pias de tant in tant tornà all'antiga

e fagh i serenaad ai bei tosan

sonà e cantà per mi l'é no fadiga

e sont mai stuff se parli de Milan

se poeu la nott l'é tevida e seréna

e a 'na finestra spunta on bell faccin

se nascond anca la luna piéna

per invidalla giò a damm on basin.

Milan v'el disi mì

per minga fagh dispett

se dev cantalla inscì

col so dialett

e a chi ries no a capì

regali la melodia

cont mi se passa on'ora

in allegria.