Rivi per primm, faa sù in del prepontin
in mezz a tanta nebbia e on fredd de can;
i Rèmag me tapascen a vesin
per fermass ai presèpi meneman.

Se porti la scighera e nev gelada...
gh'è no de maledimm: foo el mè dover;
el gran, sotta la terra ben quarciada,
el cascia i radisitt incoeu 'me jer.

El pover, ch'el gh'ha minga de scaldass,
queij moccòl... 'me le cascia, dent per dent.
Bisogna compatill e rassegnass:

l'inverno l'è el babao de tanta gent
Del rest... 'me tutti i robb de sto bèll mond,
col gramm mi gh'hoo del bon, in fond in fond! .