(11 de settember del 2001)

La bandera americana
l'è a mezz'asta sul pennon
sfilaprada, moccia e smonta
de la polver di dò torr
che per man di "terroristi"
hinn squaraa al soeul de bòtt.
Ona tragedia americana
che al mond lasserà el segn.
Gent de bòna volontà
vorarien domà pas,
ma el vent de tramontana
el ziffola tra i maceri:
"guerra, guerra" a chi ha mazzaa
innocent senza on perché.
Car Signor slonga on'oggiada
su sta terra scalmanada,
mett de noeuv l'amor in coeur
a chi ordina vendetta,
fa in manera de scambià
cruzzi e lacrim in sorris
inscì i stell su la bandera
tornarann a sberlusì!

26.09.2001