Ciaravall
(Ferdinando
Cesare Farra)
Ciaravall
Milan l'è ai spall ormai... Dov'hinn i cruzzi
e i fastidi del mond e el
bordeleri?
Tutt intorna el tripudi d'on bel dì
de primavera! E voo da Vajan Vall
in tra 'l smerald di praa, tra
ronsg d'argent
con sora el coo on ciel tutt pien de lus...
Ecco... davanti a mì, compar tra i piant
el miracol grandios de Ciaravall.
Tutta rossa de cott, ecco la gesa!
La ven sù drizza sora el verd di praa;
El campanin, coi colonnett tutt bianch,
el gh'ha per sfond on ciel luster, lusent...
Quanto silenzi e quanta vera pas!
Podi sognà...!
Bernard cont i sò fraa
in di campagn desert de
Rovegnan...
La gesa tutta noeuva, i sò cellett,
El salmodià ch'el va sù fina in ciel...
E poeu i Torrian che cerchen chì la pas
dopo l'orror di guerr; e poeu i pittor
che t'hann faa sui navad, sul presbiteri
on rabesch de color maraviglios...!
Passen, o gesa, anmò i tò gran mort
Sotta i tò volt e sotta i volt del ciel...!
Poda anca mì, al fin de la mia vitta,
chì, fra i tò mur, vegnì per smorzà el lumm,
arent al tò
Pagan e a
Guglielmina!
E, prima del tramont, poda pensà
per on attim anmò a sto sorris,
a tutti i tò color che te fann bella
o gesa di mè vecc, o Ciaravall!
Poda famm l'illusion che la toa pas
la sia el rifless de quella che el Signor
on dì el me darà, dopo sto viagg...
Poda l'anima mia, beatament
tra el cantà di tò fraa e i fiocch d'incens
rivà da la toa pas al Paradis!
Chiaravalle (Celebre
Abbazia cistercense fondata nel secolo XII) e i fastidi del mondo e il
frastuono? Tutto attorno il tripudio di
un bel giorno di primavera! E vado da
Vaiano Valle tra lo smeraldo dei prati,
tra fossati d'argento con sopra il capo un cielo
tutto pieno di luce... Ecco... davanti a me,
compare tra le piante il miracolo grandioso di
Chiaravalle. Tutta rossa di cotto, ecco
la chiesa! Si innalza diritta sopra il
verde dei prati; il campanile, con le
colonnette tutte bianche, ha per sfondo un cielo lustro,
lucente... Quanto silenzio e quanta
vera pace! Posso sognare...! Bernardo
con i suoi frati nelle campagne deserte di
Rovegnano... La chiesa tutta nuova, le
sue cellette, il salmodiare che sale sino
al cielo... E poi i Torriani che cercano
qui la pace dopo l'orrore delle guerre;
e poi i pittori che ti hanno dipinto sulle
navate, sul presbiterio un arabesco di colori
meravigliosi...! Passano, o chiesa, ancora i
tuoi grandi morti sotto le tue volte e sotto
le volte del cielo...! Possa anch'io, al fine della
mia vita, qui, fra le tue mura, venire
per spegnere il lume, accanto al tuo Pagano e a
Guglielmina! E, prima del tramonto, possa
pensare per un attimo ancora a
questo sorriso, a tutti i colori che ti
fanno bella o chiesa dei miei vecchi, o
Chiaravalle! Possa illudermi che la tua
pace sia il riflesso di quella
che il Signore un giorno mi darà, dopo
questo viaggio... Possa l'anima mia, beatamente tra il canto dei tuoi frati
e fumi d'incenso arrivare dalla tua pace al
Paradiso!
