L'autunn

- Soo no nanca mi

Cosa l'è mai quell risciamm su...

- Te gh'ee reson: l'è pell

D'oca, chì su i to brasc!

- Autunn, che el sgrìsola

I oss, e salti via

Per nient...

- Autunn, dill no!

- Perchè?

- L'è el to ben che va via

Insema a i frasch.

- Chissà...

Forsi l'è on poo sconduu

Come el granin

De la semenza

Per trà foeura  el germoeui al tevedin!

- Oh, giust, ghe calaria!

On poo de ben e ona buttada  verda

Gh'è minga cas che scappen, a 'sto mond.

Ma ti, disi, Rosetta, te sarèt

Anmò ti, l'altra stagion?

- Tas, che el diman

L'è... in di man

De quaivun pussee che nun!

- Ma ti, disi, ma ti...

- Adio. Adess voo in cà,

Che tira vent.