|
|
||
| Testo originale | Traduzione letterale | |
|
L'estaa
On gris come de fum: dedree gh'è el soo,
Faccion de fioeu indorment, La nonna, incoeu, l'è in lett.
On smorbi de
colpett
L'ha sonaa i or e nun infolarmaa Che 'l battagg del Signor l'avess sbagliaa! Semm lì, citto, d'intorna, Fument come caldar. Da la finestra
sbarattada, nanca On
boff d'aria: tanta spuzza e soffegh. Ma lee, forsi la fiada. A sugass col pezzoeu
L'è on bell mestee: Chi ved, sa minga Se te sudet o inveci te magonet. - Carloeu, damm
la gazosa! E lu, via ch'el s'inversa a dervì el frigo Per cascià giò, prima de mì, el so gropp. - Guarda cosa vegn giò del Vial Certosa! _ Ona fira de foeuj che gioeuga al birlo,
Streppaa su dal ventasc del Varesott. On lusòr de saetta, on diavoleri: Alegher, bei, che trona! Adess, l'è come vess in bocca al loff: Acqua a sidej! Alegher, dopo fiadarem on poo! - Nonna, dove te
set, te parlet no? |
||
L'estaa (Ciro
Fontana)
