Ona nòtt...(Dino
Gabiazzi)
Ona nòtt ...
L'è vegnuda a trovamm
l'altra nòtt. La m'ha ditt:.
" Me ne manca an'mò vun
poeu hoo finii, per incoeu.
Tocca a tì. Fa 'l fagòtt. "
Mì la guardi: " Gh'hoo nient
de toeu-sù, son
chì biòtt."
La se vòlta inlocchida
besiosa: " Te scamòttet
o la vita o la mòrt?"
" Gh'hoo
nagòtt, te l'hoo ditt! ,.
" Te gh'hee nanca on ricord
de salvà, on'orazion...
'na
carezza de dònna...?
On fior secch in d'on liber...? "
" Tutt
l'è mòrt: gh'hoo pù nient. ,.
"... 'na brancada de ciel
al tramont... 'na canzon
d'ona vòlta... on dolor...?
... on
ranzai de speranz...?"
" Hoo smorbaa tutti i sògn,
sotterraa tutti i voeuj...
Te gh'hee nient de sciampà! "
Cont el schelter ch'el scrizza
la se invia a la pòrta
poeu de
colp la se vòlta:
" Te gh'hee minga magari
on delitt? Sii pur viv!"
Slarghi i brasc: " Parom viv
ma l'è on pezz che semm mòrt. "
La bestemma e la sgrigna: "
Maledett! Me fii sens
V'hann scisciaa la midolla
e sii bon per la ruera! "
E la sbatt l'antipòrt
la va via.
Sul mur
de la scala, la raspa
inivida la ranza.
La sgariss. On lament.
Una notte …
È venuta a trovarmi
l’altra notte. Mi ha detto:
‘’ Me ne manca ancora uno
poi ho finito, per oggi.
Tocca a te. Fai fagotto.’’
Io la guardo: ‘’ Non ho niente
da prendere, sono qui nudo.’’
Si volta frastornata,
sarcastica: ‘’ Baratti
o la vita o la morte?’’
‘’ Non ho niente, te l’ho detto! ‘’
‘’Non hai nemmeno un ricordo
da salvare, una preghiera …
una carezza di donna …?
Un fiore secco in un libro …?’’
‘’ Tutto è morto: non ho più niente … ‘’
‘’ … una manciata di cielo
al tramonto … una canzone
d’una volta … un dolore …?
… un ritaglio di speranza …? ‘’
‘’ Ho purgato tutti i miei sogni,
sotterrato tutte le voglie …
Non hai niente d’arraffare! ‘’
Con lo scheletro che scricchiola
s’avvia verso la porta
poi di colpo si gira:
‘’ Non hai magari
un delitto? Siete pur vivo!’’
Allargo le braccia: ‘’ Sembriamo vivi
ma è da un po’ che siamo morti.’’
Bestemmia e sghignazza:
‘’ Maledetto! Mi fate senso.
Vi hanno succhiato il midollo
e siete ormai oggetto da pattumiera! ‘’
E sbatte l’uscio,
se ne và.
Sul muro
della scala, graffia
malvolentieri la falce.
Urla. Un lamento.
