On amor nassuu mòrt (Gino Toller Melzi)                                             

On amor nassuu mòrt

Per quanto temp l'aveva pensaa a lee come a la dona giusta per sodisfà quella soa gran set de amor? Trii, quattr'ann?

E finalment el s'era decis: con la faccia in fiamm, cont el coeur che ghe batteva fòrt fòrt el gh'aveva faa la soa dichiarazion, sicur de vess anmò ona vòlta denanz a on amor impossibil.

L'era restaa sorpres e confus quand lee la gh'aveva rispòst che, sì, anca lee la se sentiva de voregh ben e l'era tornaa a cà in d'ona sòrta de esaltazion, persuas de ave toccaa la felicitaa, cercand de minga dagh pes a on certo roseghin in fond a l'anima, ma legger, oh, legger...

Lee, cert, la ghe voreva ben: on ben possessiv, on ben, fòrsi, sul gener de quei che se veden in di "rotocalchi" e in di "fumetti". On ben ch'el se esprimeva in longh oggiad ardent de desideri o in del vorè vess strengiuda fòrt a lù, bocca su la bocca, i oeucc saraa come in d'on èstes.

Ma el pareva (e l'era) on ben sincer.

E pur... meneman ch'el temp el passava, quell roseghin in fond a l'anima el se faseva pussee fastidios, come se on diavolett el se divertiss a mostragh, sgrandii e miss in risalt, i difett de lee.

Quella sira (sira de luj, aria soffeghenta, tutt el cement e l'asfalt che traven foeura el calor surbii in del dì, frecass odios de on traffich desordinaa, desideri malincònich de verd e de pas), quella sira che lee, tra i lacrim la gh'aveva confessaa de vess minga Vergin, fermandes su tanti particolar come per tormentass l'anima, lù l'aveva provaa on sens de impazienza: minga per quell peccaa, nò, ma per quei paròll quasi vosaa, quell mett l'accent in su certi situazion. E intant che la consolava sfiorandegh la faccia cont ona carezza, el sentiva de vess on ipòcrita, come ipòcrita l'era 'l so soris e tutti quii bei paròll imboraggiaa de affettuosa generositaa, de cristiana comprension.

I visit in cà de lee (el viagg in quei podisnà sognorent de domenica, la cittaa de provincia anònima e grisa, lee a spettall visin al restellett): or che passaven mai, con tutti quei fradei e sorell e cugnaa che pareva se fussen daa apontament lì per vedè e stimà el moros de la tosa de cà; e a lee ghe pareva minga vera de mett in mostra come on bisgiò quell òmm superior che l'era sò, domà sò e che dòpo el matrimòni el se saria mes'ciaa cont el rest de la famiglia.

Lù el taseva, seri e motrient, imbalordii del cicciarament de tutti quei parent provincialòtt; e intant ch'el sur Adolfo, el cugnaa scior (el gh' aveva ona fabbrica de scarp), el parlava de dificoltaa de l'esportazion, lù el pensava al torment de trovass in cà, la domenica, tutt quell rebellòtt de gent in visita.

E pussee lù el cercava de convinces de vess profondament inamoraa, pussee quell diavolett malizios l'era lì a fagh on paragon cont el sò primm grand amor, quella tosa insci bella, istruida, spiritosa che a i temp l'aveva faa tanto soffrì.

Nò, l'era de insensaa fa certi confront. E intant el se dava de fà per cercà i stanz, preparà tutt el necessari.

Lee... lee l'era amareggiada. La s'era imaginada sto amor come on andà in gir con la man in la man, i oeucc in di oeucc, on brasciass sù in di praa, on sentì in sul sò còrp i carezz de lù; e adess anca lee la cominciava a sentiss denter on rosegament impastaa de delusion e de dispett, e l'amor per quest òmm che prima el ghe pareva meraviglios e adess le sentiva insci fregg, insensibil, sbris, el se cambiava a pòcch a pòcch in disgust.

I primm risentiment, i primm repicch: « El mè papà l'ha vist che te seguitavet a guardà l'ora »; « Perché te see minga vegnuu domenica passada? ».

E intant che se tojeva a fitt l'apartament e se faseven i preparativ per el matrimòni, lee la cercava de provocall, de inzigall in d'ona quai manera.

Inutil: lù el se ritirava in del sò guss senza fà mostra de scompones. Se el fuss minga staa saraa in del sò egoismo come in d'ona fortezza, l'avaria riconossuu de vess staa inamoraa de ona idèia che la gh'aveva nient che ghe corrispondess in del mond real e de avè voruu incarnalla in d'ona tosa de provincia; e, ancaben che el gh'avess nò la volontaa de pensall, in del sò "subcosciente" el se augurava che on quaivun o on quaicoss voress liberall de quell che l'era pù amor, ma cruzzi.

« Nò, nò, ona spiegazion la ghe voeur! » la se diseva lee. Consultass cont i amis, liberass de sto dubbi, de sto torment. L'ultim apontament (trii dì al matrimòni): tra i lacrim lee la ghe vosa in faccia la soa delusion, la soa rabbia. « Va, va, te voeuri pù! » la vosa in d'on s'cioppon de furia.

 Ecco, ecco la liberazion, el segn del destin: tusscòss finii. Intant che el coeur el ghe se fa legger, lù el cerca de persuadess de soffrì: el ghe riess insci ben che i lacrim ghe bagnen i oeucc. L'è colpa de lee che el piang; e a sto penser el se sent on pòver galantòmm, ingiustament perseguitaa del destin.

Un amore nato morto

Per quanto tempo aveva pensato a lei come alla donna giusta per soddisfare quella sua gran sete d'amore? Tre, quattro anni?

E finalmente si era deciso: col viso in fiamme, con il cuore che gli batteva forte forte le aveva fatto la sua dichiarazione, sicuro di essere ancora una volta davanti ad un amore impossibile.

Era rimasto sorpreso e confuso quando lei gli aveva risposto che, sì anche lei si sentiva di volergli bene ed era tornato a casa in una sorte di esaltazione, persuaso di aver colto la felicità, cercando di non dar peso ad un certo tormento in fondo all'anima, ma leggero, oh, leggero ...

Lei, certo, gli voleva bene: un bene possessivo, un bene, forse sul genere di quelli che si leggono sui rotocalchi e sui fumetti. Un bene che si esprimeva in lunghe occhiate ardenti di desiderio o nel voler essere stretta forte a lui, bocca sulla bocca, gli occhi chiusi come in un'estasi.

Ma sembrava (ed era) un bene sincero.

Eppure ... man mano che il tempo passava, quel tormento in fondo all'anima si faceva più fastidioso, come se un diavoletto si divertisse a mostrargli, ingranditi e messi in risalto, i difetti di lei.

Quella sera (sera di luglio, aria soffocante, tutto il cemento e l'asfalto che trasudavano il calore assorbito durante il giorno, frastuono odioso di un traffico disordinato, desiderio malinconico di verde e di pace), quella sera che lei, tra le lacrime gli aveva confessato di non esser vergine, soffermandosi su tanti particolari come per tormentarsi l'anima, lui aveva provato un senso di impazienza: non per quel peccato, no, ma per quelle parole quasi urlate, quel mettere l'accento su certe situazioni. E mentre la consolava sfiorandole il viso con una carezza, sentiva di essere un ipocrita, come ipocrita era il suo sorriso e tutte quelle belle parole cariche di affettuosa generosità, di cristiana comprensione.

Le visite a casa di lei (il viaggio in quei pomeriggi sonnolenti della domenica, la città di provincia anonima e grigia, lei ad attenderlo accanto al cancelletto): ore interminabili, con tutti quei fratelli, sorelle e cognati che pareva si fossero dati appuntamento lì per vedere e valutare il pretendente della ragazza di casa; e a lei non pareva vero di mettere in mostra come un bijou quell'uomo superiore che era suo, solo suo e che dopo il matrimonio si sarebbe fuso con il resto della famiglia.

Lui taceva, serio e imbronciato, stordito dal chiacchierare di tutti quei parenti provincialotti; e mentre il signor Adolfo, il suo cognato ricco (aveva una fabbrica di scarpe), parlava delle difficoltàì dell'esportazione, lui pensava al tormento di trovarsi in casa, la domenica, tutto quel caos di persone in visita.

E più lui tentava di convincersi di essere profondamente innamorato, più quel diavoletto malizioso era lì a confrontarlo con il suo primo grande amore, quella ragazza così bella, istruita, spiritosa che ai tempi l'aveva fatto tanto soffrire.

No, era da scriteriato far certi confronti. E intanto si adoprava per cercare casa, preparare tutto il necessario.

Lei ... lei era amareggiata. S'era immaginata questo amore come un andar a spasso con la mano nella mano, gli occhi negli occhi, un abbracciarsi nei prati, un sentire sul proprio corpo le carezze di lui; e ora anche lei cominciava a sentirsi dentro un rodimento intriso di delusione e di dispetto, e l'amore per quest'uomo che prima le sembrava meraviglioso e adesso sentiva così freddo, insensibile, meschino, si mutava lentamente in disgusto.

I primi risentimenti, le prime ripicche:" Mio padre ha notato che guardavi continuamente l'ora"; "Perché non sei venuto domenica scorsa?".

E mentre si affittava l'appartamento e si facevano i preparativi per il matrimonio, lei cercava di provocarlo, di stuzzicarlo in qualche modo.   

Inutile: lui si ritraeva in sé senza dar mostra di scomporsi. Se non fosse stato chiuso nel suo egoismo come in una fortezza, avrebbe riconosciuto di essersi innamorato di un'idea che non aveva nulla che le corrispondesse nella realtà e di aver voluto incarnarla in una ragazza di provincia; e sebbene non avesse la volontà di pensarlo, nel suo "subcosciente" si augurava che qualcuno o qualcosa volesse liberarlo da ciò che non era più amore, ma cruccio.

"No, no, una spiegazione ci vuole!" si diceva lei.

Consultarsi con gli amici, liberarsi da questo dubbio, da questo tormento. L'ultimo appuntamento (tre giorni al matrimonio): tra le lacrime lei gli grida in faccia la sua delusione, la sua rabbia. "Va', va', non ti voglio più!" grida in un impeto d'ira.

Ecco, ecco la liberazione, il segno del destino: tutto finito. Mentre il cuore gli si fa leggero, lui tenta di persuadersi di soffrire: ci riesce così bene che le lacrime gli bagnano gli occhi. È colpa di lei se piange; e a questo pensiero si sente un povero galantuomo, ingiustamente perseguitato dal destino.