Ottober in Vall Bedrett

Sotta on ciel de cristall (la lûs del sô,

dolza d'amor come 'l soris d'on Dio,

la inonda - pioeuva d'or - tutta la vall

el bosch l'è vestii a festa. El verd di lares

el sfuma a pocch a pocch in d'on giald smort

sora l' ondada rossa di lorion

e i fires sperluscent color de ruggin.

E gh'è in del bosch on'eco de paroll

minga dii, on misterios taboeusc de àl

invisibil a nun, 'me sogn ansios

de ciappà vitta, on palpità quiett

de segrett malinconich tenerezz.

Ona magia suttil la passa in ciel

e l'incadenna el coeur con la soa pas.