L'orlocch (Enrico Giuliani)                     

L'orlocch (allocco, gufo, barbagianni (E' detto anche  «lorocch »

L'è là, sora a la torr,

ferma, coj oeucc rotond in de la nott,

uselasc menagram!

El spaccia el voi di strij,

a cavall de la scoa...

Poeu se sent el so vers che gela el sangu...

El tò coeur el se streng e te ven su

la paltascia spuzzenta  di penser

pussee torbid, vigliacch e pauros...

L'orlocch el sgora  via, cont el so vol

silenzios, a zig-zag, sott a la luna:

el roeuda intorna, bianch come on fantasma.

Canten i sciatt nel foss taccaa a la torr...

Cossa l'è 'sto incantesim disperaa?

Nient! L'è domà  paura,

la tua paura d'omm!

L'orlocch, povera bestia,

l'è andaa a cercass on ratt per scoeud la fam ...