El basin

Per palesà el ben gh’è tanti maner:

paròll dolz e gentil, promèss, carèzz,

ma domà ‘l regall d’on  basin sincer,

el fà sentì tutt’i nòst tenerèzz.

Sul principi i paròll pòden servì

per dagh alla simpatia ona fiammada;

dòpo, el discors pù nient el pò sortì:

per andà avanti cognossom la strada.

Come prima de la nòtt sponta i stèll,

i carèzz preceden el gran moment.

Intant el coeur el batt come on martell:

semper pussee a fòrt, semper pussee arent.

Quand a l’improvis scatta la scintilla,

el deventa el paradis piscinin

perchè tutt quell piasè che ne var milla,