La Pasqua

A Pasqua, el dì de la Resurrezion,
a Pasqua, el dì della Pâs universal,
i campann gh’hann pussee limpid el son
e par quasi che a nun sponten i al.

Emm piangiuu quand el Signor l’è mort,
ma adess, perduda la malinconia,
a nun sembra con Lù de vess risòrt.
Sia benedètta la nòstra legria!

Perché se sentom tucc inscì legger?
Perché el pes sentom pù di nòst peccaa,
perché emm miss el bianch al pòst del ner
con l’intenzion de sta lontan del maa.

Se l’è inscì bèll sentiss come adèss,
devom fà subit duu proponiment:
pensà al Signor on poo pussee de spèss,
viv ben come viveven i nòst gent.