L’acqua sorgiva

Come l’è limpida e ciara in montagna,
l’acqua sorgiva che scorr per i vall!.
Se spèggia dent tutt el verd che la bagna,
brillen sui fior i sò gott de cristall.

Ma quand la riva in bass a la pianura,
la comincia ben prèst a intorbidiss,
poeu la diventa pestifera e scura
per i velen che denter ghe finiss.

Se guardom on fiolett a corr content,

el par on angiolin lì per volà
e dove ‘l passa ghe sorid la gent:

el sò candor tucc voeuren carezzà.

Ma dopo i primm ann, lassada la vall,
se ‘l moeuv i sò pass sù ‘na falsa strada,
el se troeuva pian pian e senza fall
in del marsc de la corrent inquinada.