Primavera a Canz (Angelo Maggioni)        

 

Testo originale Traduzione letterale 

 

On cippà de usellitt che scarpa l'aria,

trilli e gorghegg in mezz ai foeuj di piant,

scires e perin fior, bianch profumaa

el ciel azur e mì resti incantaa.

 

Ha desmettuu de pioeuv;

el sô el ven foeura cald e prepotent

e quand che pioeuv anmò sul verd di praa

sbarlusen de l'argent.

 

Ma on merlo negher, negher e sbeffard

tutt 'sto incant l'ha nò degnaa d'on sguard.

El va adree a robattà in de l'ort

a beccà la somenza, a fagh on tòrt.

 

La natura la splend da la finestra

El voltà di stagion el vutta el mond

a tirà innanz per nun poer gingin

ligaa a 'sta tèrra e al sò verd profond.

 

Me senti on passarin pien de gioia e de amor,

el praa tutt verd cont i margherititt,

i azalee che fioriss e i ross gerani,

i violett profumaa, i passaritti,

 

i mamm che pòrta in gir i sò pattan

stann al sô volentera...

gioiss la primavera!

 

Commento

 

Invia i tò penser, i tò emozion (anca in italian o ne la lengua che te par)