Semper giovin (Angelo Maggioni)            

La gioventù l'è nò on tocchell de vita,

l'è cervell, volontà, immaginazion.

L'è nò domà sfojà la margherita,

ma coragg, avventur, grand emozion.

Nissun l'è vegg domà perchè l'è vegg

de ann, de fadigh, de tribuleri.

L'è vegg perchè el voeur stoppà i oregg,

l'è vegg perchè el gh'ha pù de desideri.

I ann te fann crespà tutta la testa,

ma senza on sentiment che te riscalda,

che te rinfresca l'anima, el cervell

la vita la diventa smòrta e gialda.

Dubbi, paur,......disperazion

te fann diventà vegg......

he sien settanta o sedes, sacranon!

l'è la gioia de viv che dent ghe voeur.

Gioventù l'è gustà fior dree a derviss,

l'è vess curfios del mond e dfel futur,

mirà in del ciel i stell che sberlusiss,

sfidà i event, s'ciarì indoe gh'è scur!

Te see giovin se dent te ghe la fee,

se te see vegg te feet el lavativ.

L'è minga assee pensà che Dio provved,

bisògna avè costanza e gioia de viv.

Fin ch'el tò coeur el gusta la bellezza,

l'amor de la toa dònna, ona carezza,

te see giovin, bell viscor...semm intes?

Tanto pù se te parlet...milanes!