L’è proppi de conoss ‘sto personagg,

nassuda in on quai dì d’on mes de magg,

de un poo de ann fa l’è vera,

ma la truscia semper de mattina fin a sera.

Credi che la sia cressuda senza pretes,

con pòca pitanza e tanto milanes.

Dent per dent la me tormenta:

“Dai proeuva a scriv un quaicòss in meneghin,

forza e coraggio, tenta!”

Oh anima balòssa, che te m’hee pientaa

‘sto grand torment in scòssa,

cara Ada, mi te informi

che te gh’hee in su la coscienza

tre nòtt de minga dormì

per tira foeura tutta la mia scienza.

Talment ho schisciaa i scinivèi

che m’hinn cressu anca i cavèi;

me sont lassaa tentà, t’hoo faa promessa

e adess, con pòca riverenza

te foo fà la penitenza.

Legg donca senza emozion

quel che l’è staa bon de fa el Manzon;

anca se son sicur, ghe giughi la camisa,

che a la fin de la bugada

avaroo perdu on’amisa!