Disperazion (Pino Mazzola)            

Disperazion

Sì, l'è vera,
son ciocch de fà vergogna,
e adess me par de sentì pù el dolor,
perchè me se confond
tutti i penser...
Perchè hoo bevuu?
Lù el voeur savè el perchè?
E poeu? Quand ghe l'hoo ditt,
cambia nagott,
perchè quand vun l'è in rogna
no'l pò trovà che bott...
e certi robb, a dii, se gh'ha vergogna!
Me doo de fà, lavori,
ma el guadagn l'è quell
e non gh'è crist
de mett de part on ghell!
I mè poer pattanìtt
scaldaa a fiaa d'oca
cont i mè basitt,
mangen pan e miseria
e nient de pù!
Adess, vun l'è malaa
e mi gh'hoo nò de spend,
come fann tanti, per on bon dottor!
Ch'el proeuva lù
a vedè on fioeu che patiss
e ch'el ghe se consumma
dì per dì!
Ch'el proeuva lù
a savè che per curall
ghe vorariss
tutt quell che lù el gh'ha nò!
poeu el vedarà
s'el finiss minga pussee ciocch de mì,
per la disperazion de vedè intorna
on mucc de gent
che strasa quell che gh'ha;
per la rabbia de non vess on canaja
che gh'ha el coragg, almen,
de andà a robà!
Ecco...adess el gh'ha pressa...
perchè gh'è vegnuu in ment
ch'el gh'ha on impegn...Eh, già,
Se fudess ciocch domà per vizi,
de bej paroll
me n'avariss ditt tanti,
per opera moral de redenzion,
pienna de falsità, che costen nient!
Invece, adess che l'ha vorsauu savè,
asquas ghe dà fastidi,
perchè sont on poer crist
e nò on gaìnna,
perchè de gent 'me mì
ghe n'è anmò tanta,
e l'è nò tutta colpa soa de lor
se quej che la fortunna j ha faa scior
diventen sord e pensen domà a lor!
...S'el gh'ha pressa, ch'el vaga,
el vaga pur
che, in fin di cunt,
mì gh'hoo cercaa nagòtta!...
Però gh'avariss fin de ringraziall,
perchè, mì, ciocch adess me senti pù...

e gh'hoo finna la forza de sperà
che minga tucc
sien faa come l'è lù,
e che, col temp,
quajcoss se cambiarà!...

Disperazione

Sì, è vero,

sono ubriaco da vergognarsi,

e adesso mi sembra di non sentire più il dolore,

perché mi si confondono

tutti i pensieri ...

Perché ho bevuto?

Lei vuole sapere il perché?

E poi? Quando glielo ho detto,

non cambia nulla,

perché quando uno è nei guai

non può trovare che botte...

e certe cose, a dirle, ci si ha vergogna!

Mi do da fare, lavoro,

ma il guadagno è quello

e non c'è modo

di mettere da parte un soldo!

I miei poveri bambini

riscaldati col fiato 

con i miei baci,

mangiano pane e miseria

e niente più!

Adesso, uno è ammalato

e io non posso permettermi,

come fanno tanti, un buon dottore!

Ci provi lei

a vedere un figlio che soffre

e che si consuma 

giorno dopo giorno!

Ci provi lei

a sapere che per curarlo

ci vorrebbe 

tutto quello che non ha!

Poi vedrà

se non finisce più ubriaco di me,

per la disperazione di vedere intorno

un mucchio di gente

che spreca quello che ha;

per la rabbia di non essere una canaglia

che ha il coraggio, almeno,

di andare a rubare!

Ecco... adesso ha premura...

perché si è ricordato

di avere un impegno... Eh, già,

Se fossi ubriaco solo per vizio,

di belle parole

me ne avrebbe dette tante,

per opera morale di redenzione,

piena di falsità, che non costano niente!

Invece, adesso che ha voluto sapere,

quasi le da fastidio,

perché sono un povero cristo

e non un ubriacone,

perché di gente come me

ce ne è ancora molta,

e non è tutta colpa loro

se quelli che la fortuna ha fatto ricchi

diventano sordi e pensano solo a se stessi!

 ... Se ha premura, vada,

vada pure

che, in fin dei conti,

io non le ho chiesto niente!...

Però dovrei persino ringraziarla,

perché, io, adesso non mi sento più ubriaco....

ed ho persino la forza di sperare

che non tutti

siano fatti come lei,

e che, col tempo,

qualche cosa cambierà!...