|
|
||
| Testo originale | Traduzione | |
|
La Milan di temp indree
On artista de cartell, milanes ..de foeuravia. l'ha decis co'l sò pennel de sfogà la nostalgia di regord ormai lontan de 'sto noster vecc Milan.
Cont impegn e fantasia la Milan di temp indree la riviv ne l'armonia di contrad e di pasquee co'j color de l'acquarell ciar compagn d'on firisell.
Cà, palazz e monument gès, basilich e casej cunten sù mirabilment i bellez di cantonscej cressuu aj temp d'on Milanin orgoglios del sò destin.
Sora l'acqua di Navillii che pian pian la scorr nel temp par de sentì an 'mò el besbillii che ghe fà de contratemp a la storia d'on passaa che ha faa granda 'sta Cittaa.
Brumm, carrocc e calessin cont i sciori e co'j damazz, giust aj temp de Meneghin, in su i cors e per i piazz eren pront a dà spettacol nel Ses'cent del primm vernacol. ...
Gh'era poeu la poera gent de la scoeula del Verzee che l'ha vist in del sett'cent, intramezz a on bulardee, el Marchionn e la Tetton con i i sò lamentazion.
Come pagin sbarlusent de la storia de Milan i mestee de la soa gent testimonien maneman la vicenda popolar de ambulant e bottegar.
L'è ona festa de color che pitturen on passaa che conserva el sò splendor. Segn d'antiga civiltaa resten viv in la memoria e ognidun gh 'ha la soa storia.
A l'insegna d'on progress malament interpretaa 'sto Milan come l'è adess l'è ridott ch'el fa pietaa senza pù riferiment a j sò antigh insediament.
...L'è per quest che 'sti acquarej voeuren vess testimonianza contra tucc quej magattej che hann stravolt cont arroganza e con pocch discerniment la Milan di noster gent. |
La Milano dei tempi andati
Un famoso artista, milanese.. arioso, ha deciso col suo pennello di sfogare la nostalgia di ricordi ormai lontani di questa nostra vecchia Milano.
Con impegno e fantasia la Milano dei tempi andati rivive nell’armonia di contrade e piazze con i colori dell’acquerello chiaro al pari di un filugello.
Case, palazzi e monumenti chiese, basiliche e caselli raccontano mirabilmente le bellezze degli angolini sorti ai tempi di un Milanino orgoglioso del proprio destino.
Sopra l’acqua dei Navigli che pian piano scorre nel tempo pare di sentire ancora il bisbiglio che fa da contrattempo alla storia di un passato che ha fatto grande questa Città.
Carrozze, carrozzelle e calessini con i signori e le gran dame, giusto ai tempi di Meneghino, sui corsi e per le piazze eran pronti a dar spettacolo nel Seicento del primo vernacolo…
C’era poi la povera gente della scuola del Verziere che ha visto nel Settecento, nel mezzo di un gran caos, il Marchion e la Tetton con i loro guai.
Come pagine fulgide della storia di Milano i mestieri della sua gente testimoniano man mano la vicenda popolare di ambulanti e bottegai.
È una festa di colori che dipingono un passato che conserva il suo splendore. Segno di antica civiltà restano vivi nella memoria e ognuno ha la sua storia.
All’insegna di un progresso male interpretato la Milano di oggi è ridotta da far pietà senza più riferimento ai suoi antichi insediamenti.
…È quindi questi acquerelli vogliono essere testimonianza nei confronti di tutti quei fasulloni che hanno stravolto con arroganza e con poco discernimento la Milano delle nostre genti. |
|
La Milan di temp indree (Pino
Mazzola) 
