|
L'angel custod a la mattina
(Giovanni Battista Migliori)
|
||
| Testo originale | Traduzione | |
L’Angel Custod a la mattina
Te me dimandet, Nella, la reson perché in del dessedàtt, a la mattina, te ven de fà trii o quatter starnudon; damm a trà e te la disi genuina.
Ti te sét, che fin tant che semm al mond, el Signor el me dà per compagnia l'angel custod che, insomma, el corrispond a ona sorta de santa polizia
El tò el gh'ha pòcch de fà. Ma, de furbòtt, per mètt invidia a i alter angiolitt, el dis che el dorma nò tutta la nott, anca se el schiscia giò i sò visoritt.
Appena se fa ciar el va in forlonia, sbattend i alitt, saltand de chi e de là; l'è natural che tanta cerimonia la fa corrent e ven de stamudà.
|
|
|
