Frazion de segond (Mirella Zagni Sarto)      

 
Testo originale Traduzione letterale

 

Cont oeucc curios
rivedi l'univers di mè gioeugh
e foo fadiga a cred che quella cà,
finester, scal, sien i stess,
ma dopo el corridor, vardand i port
proeuvi on stremizzi...
voeuna l'è cambiada: senza lus...

Frazion de segond...

La nostalgia la me mett i al:
passi per quella pòrta
e giri per i stanz come inlocchida
coi man e cont i pèe che stann-nò quiett.

Guardi on liber de musica,
sfiori la macchinetta de cusì...
tutt me ciama...me incanta...

In del gust de 'sto gioeugh,me perdi via
e sari i oeucc, e lassi el mè sentor
de induvinà profumm, stòria e color
e me corr in del sangh
on mar de sensazion:
senti carezz, ridad,
senti 'na vôs "BONDI' TOSETTA MIA"

Frazion de segond...
e cessa ogni vision
e moeur sora i mè lavor
buient de voeuia de dì
e mè salut.

Frazion de segond...

On ventasc prepotent
l'ha snmorzaa quella lus:
i oeucc de la mia mama
che portaven el sô in ogni canton

  

Commento

Primo premio al Concorso "IL SOLCO" per poesie in dialetto lombardo.
E' in un attimo che si rivede il passato e si prova nostalgia per persone, profumi e colori.
Quella casa, quelle finestre e quelle scale riportano il poeta ai giochi dell'infanzia, agli anni dell'adolescenza, i ricordi nel guardare un libro di musica, sfiorare la macchina da cucire...
Il vento forte spegne la luce, la riduce alla realtà: gli occhi della madre illuminano ancora ogni angolo della casa.

Invia i tò penser, i tò emozion (anca in italian o ne la lengua che te par)