La mia gioventù

Intant ch'el spècc
me regalava
el diploma de gioventù
i mè desideri
eren subit smorzaa,
prima ancamò de dervì la bocca.
Gh'era semper on veder,
sottil, bosiard,
che m'impediva de toccaj.
(Tutto quello che non era necessario
era un lusso...)

Ogni desideri minga sodisfaa,
ogni aspirazion minga ricambiada
m'hann faa nass
sensazion indimenticabil:
godevi de tutt'i mè vittòri
e cresseven i mè energii
per andà innanz pussee...pussee.
Amarezz e privazion
se pitturen de nostalgia
e quei ricòrd
quattà de polver
diventen per incant
'na zipria dòra.