Che'l scusa, scior Cappell, se sont staa mì

A vorè sto brutt mes..., l'ultim de l'ann;

Per poeu vèss, dopo on pezz, ancamò chì

In d'on cruzzi tremendo, per l'affann "

De savè proppi minga cossa dì'!

"Che'l me daga del ciocch a brass de pann,

  Del linosa che'l seguita a dormì...

" Mà adèss, coss'hinn, in grazia, sti campann?

L'è forse el gran moment de dessedass?...

E cossa l'è sto sôn lontan de piva,

Che'l par come on bisogn de consolass?

È forse rivaa 'l dì de levà sù

E vedè finalment la giusta riva,

Che'l n'ha segnaa, d'on pezz, el bon Gesù?