On soldaa papà (Antonio Negri)         

 

Testo originale Traduzione

 

[...]
Intorna a mezzanott s'eri per strada,
Tornavi al cobbi, soll, in de per mì,
Col coo pien del frecass de la serada
Che m'era pertuccaa de digerì...
Quand, tutt a 'n tratt, in del svoltà 'n canton,
Me se para denanz on soldaron!

Naturalment..., inscì per dagh el pass,
Me tiri d'ona part; ma 'l soldaron,
On ambrosian, pregandem de fermass,
El me ranfa el s'giacché col so sciampon
E lì, cont ona vôs de bass profond,
El me cunta che 'l ven de l'alter mond!

«Mì me n'infà» rispondi on poo sorprês,
Convint che se trattass d'on poër matt,
«Hoo appena digerii vun de quii pês
Che proppi, cara lù...» - «Fermo, el ribatt,
El scior che m'ha ciamaa l'è on mè collega?
E lù 'lgh'ha mai de dimm che se ne frega!

«Eh? cosse'l dis? ciamaa d'on mè collega?
Ma se lù el sa nanca chi me sia...
Se sont on impiegaa..., se gh'hoo bottega...»
«Ma soo che lù, l'insist cont energia,
L'è staa, compagn de mì, papà soldaa...
Domà che lù...nissun l'ha mai sfalzaa!

Invece mì...;l'ha no sentii stassera
Quell so collega...come 'l m'ha consciaa?
Che el disa lù...l'è quella la manera
De maltrattà la santa verità?
On poetta el dêv savè che i mort in guerra
Senten tutt coss anbên che sien sott terra!»
[...]

Aspart del quader...che'l fa rîd i puj...
Andèmm, sûr Atimada, l'ha mai vist,
Lu che 'l gh'ha minga i mezzanitt che buj,
A'ndà a spass, in del sèdes, quii poer crist
Che tornava a Milan de la tricera?
E j ha vardaa ben ben polito in cera?

Chi gh'ha ditt, a quell sciôr, de famm la mètta,
Se l'è vun che 'l sa nanca cosse 'l dîs?
On soldaa cont in brascia ona tosetta...
Che ghe cerca, in la ciomma, i cavei grîs!
Ma che ciomma se allora i militâr
Se pelaven compagn di paracâr! [...]

Ah, se 'l savess sur Togn... la mia tosetta!
Alter che orgoeuj e man in orazion...
L'è intorna per i strad a batt brocchetta
E la salta de spess...la colazion...
Quand mì son mort in guerra, al San Michée,
La gh'aveva quattr'ann...l'era on belée!

S'eri appenna tornàa de la licenza...
E, se proppi hoo de digh la veritàa...
Cont on noeud de rivolta in la coscienza!
Avevi vist Milan pien de imboscàa
Che, quand vedeven on soldàa a rivà
Faven del tutt per voltà l'oeucc...de là!
[...]

Febbrar del sèdes...mort al San Michee...
On sît de cald, ghe 'l garantissi mì...
Gh'avevom i tognitt squasi sui pee...
Gh'era mai requie né la nott né 'l dì
De nott, i razzi cont i bomb a man,
Del dì, quii rompascattol de reoplan...

Al front, e lu che 'l gh'era me le insègna,
Fava nò de bisogn de andà a l'attacch
Per beccass ona sventola in la tègna;
Anca in trincera, riparaa di sacch,
Rivava ogni moment de quii micchett
Che te mandava al babbi col dirètt!

Mì, per esempi, el veds, son mort inscì:
Minga a l'assalt cont el mè s'ciopp in man,
Ma in del bell che fasevi la pipì
In voeuna de qui toll del Torrigian
Che, ona volta svojaa del condiment,
Serviven de orinari al Reggiment!

On colp...e là, squartaa come on cavrett...
Nanca el temp de tra on sgar, de fa on pensee;
M'hann cattaa sù...m'hann miss in d'on sacchett.
Duu zappator, già pratich del mestee,
M'hann faa la busa bell e lì sul sit...
Poeu m'hann traa dent e quattaa giò polit!

Adèss soo nanca se son là ancamò
O se me troeuvi in d'on foppon de guerra;
Ma mì, de sta quistion, me casci nò...
Vess chì o vess lì...quand che l'hann miss sott terra,
Che 'l sia dent in d'on sacch o in d'ona cassa,
El corp no gh'è pù mezzo che 'l rinassa!

Il corpo giace..., deventaa impotent...
E quei che 'l lassa indree, pianin pianin,
Se 'l toeuven giò del coeur e de la ment,
Finna a tant che se smorza anca 'l lumin
Che gh'era pizz denanz al sò ritratt...
Alter che orgoeuj...come l'ha dii quell matt!
[...]

Quand che la mòrt la côrr dessoravia
Pronta a piombà sul grand e 'l piscinin,
Sul pover e sul scior...su chionquessia...
Se gh'ha el bisògn de strènges a vesin
E, dì per dì, sotta a l'istess dolor,
L'egoismo el spariss...e nass l'Amor!

Ma 'l vero Amor...quell alt...quell che se dòna
Senza sperà el ricambi de nissun;
L'Amor che, superada la persòna,
L'è 'l vun per tutti insemma al tucc per vun;
L'Amor che 'l muda, in savi, on delinquent
Per fà crèss d'ona stella el firmament!

Ciappaa dent in la mòrza di ricord,
Me tornava in del coeur, viv in filera,
El nòmm e la figura di mè mòrt
E me pareva de tornà in trincera
a l'Alpe de Milegna in sul Trentin,
Al San Michee del Cars o al Sabotin!

Per strada, de brazzett, in de l'andà,
Scoltavi attentament el soldaron
Cont el spirit sospes...senza sbrottà...
El scandiva i paròll con precision...
«Febbrar del sèdes...mort al San Michee...
La gh'aveva quattr'ann...l'era on belee!...»

Appena mort..., an'mò de sotterrà,
Hoo bandonnaa 'l me corp al sò destin
E, senza perd on poff, sont cors de là
In la patria de tucc...senza confin...
Dove l'omm el po vîv in santa pâs
E gôd liberament quell che ghe piâs.

Per on poo d'ann, a dì la veritàa,
Liber in  pien de gôd a mè talent,
Sont cors come on pollèder desligàa
A girà per i stell del firmament;
De manera che, intanta, i mè de cà
Se s'hinn trovaa dò vôlt senza papà!

L'è minga quest el caso né 'l moment
De cuntagh quell che hoo vist in là mia scorsa;
Però, de già che sèmm su l'argoment
E che nissun di duu paga de borsa,
Vui parlagh d'on pianetta sterminàa
Dove l'omm, se\Dio voeur, l'è maduràa

Prima de tutt né Re, né Monsignôr;
Parlemm minga de guardi o de soldaa
E nanca, grazie al ciel, de domador...
In quell stramond no gh'è che di scienziaa
Che gôd la vita in pâs, senza la boria
De crédes in dover de fa la Storia!

Nun de sto mond, a la parola Scienza,
Stòrtom el nâs e vóltom el canton,
Inveci, là, l’è l’alta intelligenza
Che salva l’omm de fa di malazion…
E intrattanta nessun parla de guerra
E tutt i cros se s’hinn sfonda sott terra.

 

Oh! se nass anca là... compagn de chì

E tal e qual de chì, dopo, se moeur;

Ma gh'è nissun che pensa a maledì

O a misurass i pulsazion del coeur...

L'omm, in quell mond, content de la sua sort,

L'è padron de la sua vita e de la mort!»

 

Mì, che vegnevi de la nostra Terra,

Dove tutt i moment gh'’è on gibilée

E se sent a discôr domà de guerra

L'istess come se sciscia on canimée,

A quella vista sont restaa de stucch

E avriss quasi giuràa che gh'era on trucch!

 

L'è possibil, disevi in tra de mì,

Che sta gent, che l'è fada come nun,

La gh'abbia proppi mai de ché de d’,

Quand che in Terra l'è on ragg a trovà vun

Che'l gh'abbia minga indòss la presunzion,

De impònes, al so simil, col baston?

 

Ma siccome, per quanto che guardass,

No gh'era mezzo de scoprì 'n queicoss

E seguitavi a capigh dent... on sass,

Camuffaa, come incoeu, de cama e d'oss,

Hoo fermaa senza tanti compliment

El primm omett che me passava arent.

 

Scoltàa quell che vorevi e intrequerii

Che vegnevi d'on mond insscì de can

Dove l'omm l'era on parto mal reussii,

EI m'ha ciappaa tranquillament de man

E, con grazia, el m'ha dii de andà con lù

Senza aggiung ona virgola de pù!

 

Dopo avè tapasciaa per on quart d'ora,

Rivom ai pèe d'on bell scalon d’avori:

«Ecco, el me fa l'omett, l'insscì dessora

Gh'èmm on tal strapotent osservatori,

Che i mond pussèe lontan, mort o abitàa,

Borlen tucc sotta al noster canocciaa.

 

Inveci de rispondegh a paròll,

Hoo pensàa de menall a l'unich sît,

De dove, senza nanca slongà 'l coll,

Se sperla l'univers inscì polît

De rendes cunt del come e del perchè

No 'l podeva vess fàa che come l'è!»

 

Appena denter in l'osservatori,

El m'ha tiràa vesin del canocciàa

E, senz'alter discor nè fa di stori,

Movend certi manett, l'ha registràa

E subit, pien de garbo e sorrident:

«Ecco 'l vegna, el me dîs, che 'l guarda dent;

 

Ma che 'l sappia però che l'è pontàa

In manera che lù 'l poda vedè

Domà i pianetta minga spopolàa;

Tant, per quell che l'agògna de savè,

Ghe n'ha sémper assèe che ghe ne crèss...

Inquanto a mì... domandi compermèss!...»

 

Restàa soll, de per mì come on fuston,

A on pass de quell demoni de istrument

Che 'l me metteva tanta suddizion,

On certo dubbi el m'ha sfrisàa la ment:

«Sarà minga on quai scherz? Perchè l'è 'ndaa?

Veutt vedè che l'omett el m'ha giugàa?»

 

Ma'l spasim de cognoss come e perchè

Ghe fuss on mond de gent inscì contenta,

Quand che inveci, purtropp, giò là in del mè,

La trovava mai pâs. .. nanca indormenta,

L'era tâl che on minutt l'è nò passàa

Che mi s'era tutt oeucc al canocciàa.

 

Se dovessi parlagh distesament

Di centenn de pianeta che hoo sperlàa,

Lu 'l fariss temp a perd tutt i sò dent

E mì sarissi nanca a la metàa;

Me basta de resumegh la vision

Tant assèe de tirà la conclusion.

 

In del logich succèdes di pianèta,

Hoo vist l'omm a partì de la caverna

E a diriges incert a la soa mèta,

Sotta la spinta d’ona lêg Eterna,

Che, francàndegh man man s' cenna e scimée,

La ghe impediva de fà marcia indrée!

 

M’è pars, inscì per fagh on parangon,

De assist al nass e al crèss d'ona somenza

Senza pèrdegh d'on fil l'evoluzion,

In tutt i fasi de la soa crescenza,

D’el moment che la cascia i primm barbîs,

Fina al dì che la frutta in Paradis.

 

Quii che afferma che l'omm l'è semper quelI;

Che, gratta gratta, tòlta la vernîs,

Se troeuva sotta on loff mist al porscelI,

L’è sègn che g'hann la vista in del tarlîs

E che hinn bon de vedè proppi nagott

Foeure de l'òrlo del sò vâs de nottI

 

Per quest ghe tègni a digh, sur Atimada,

Mì che l’hoo vista ben la veritàa,

Che, incoeu, la nòstra Terra malfamada,

Nonostant i spreposet di s'centraa

E in barba a quii lorocch de pessimista,

La gh’ha anca lèe ‘l sò Paradis in vista;

 

Domà che, per vedèll, ghe voeuraria

Che, inveci de innorbì l'Umanitàa

Con di stupid giughîtt de fantasia,

El poetta el ghe cantass la Veritàa

Per registràgh el coeur e i cinivei

Gibigiannàa d'el fals splendor di ghei!

 

A travers a la lent del canocciàa

De quell stramond dre gent semper tranquilla,

Hoo vist polît la nòstra Societàa

D’i sò primm formazion fina al domilla;

Hoo donca vist tutt l’ier del nòst pianètta

E ’l doman immediato che ghe spètta;

 

Cunta proppi nagòtta se, intrattanta,

Se va inconltra a on pestaggio spaventôs

Perchè l'Umanitàa la se descanta

De certi fantasìi del so depôs,

La g'ha bisogn de stramazzà per terra

Sotta l'orrôr d'ona tremenda guerra...

 

Dopo de quella, d'el domilla innanz,

La guerra la sarà on ricord lontan

E tutt l'ingegn de l'omm, ogni sò slanz,

Sarann dopràa per guadagnà on doman

De pâs feconda per l'Umanitàa

In la soa santa, eterna Veritàa. . .

 

Che ghe l'abbia, sta fêd, sûr Atimad

Perchè sta fêd l'è minga on'utopia,

Ma la conscienza stessa res'ciarada

Da la lûs immortal de la poesia...

Che, in fin di fin, l'è l'unich trait-d'union

Tra l'omm de tutt i mond e 'l sò PadronI

[...]

 «Ier nott, on attim prima de sparì

Come a conclûd la longa cicciarada,

Ghe parlavi de fêd in l'avvegnì...

Fêd c'ha de vess coscienza res'ciarada

E minga l'att servîl del saltimbanch

Che 'l se sbatt a gattôn per do palanch!

 

Ma adess che semm chi còmod e degià

Che lù 'l me scolta proppi volentera,

Prima ammò de parlàgh di mè de cà

Che, tant e tant, gh'è minga la manera

De metti sul sò drizz, ghe cunti sù

La vera storia del Bambin Gesù,

 

La proeuva pussèe granda ch'el Signôr,

Chissà per che sò scopo misterios,

l'ha decis de lassagh ai sognadôr

El privileg di cruzzi e de la crôs!

Ma a sto ponto bandonni la sestinna

E me tacchi de slanz a la terzinna.

 

Hoo vist l'omm a partì de la caverna

E a diriges incert a la soa méta

Sotta la spinta d'ona lêg eterna...

                 

Hoo vist a vun per vun tutt i profeta,

I capitani, i Rè, i Imperador

E i artista e i filosof e i poeta

 

A preparà la strada del Signor,

Fin che on bell dì denanz del canocciàa,

M'è compars Gesù Crist, el Redentôr,

 

Proppì lù come 'I védom pitturàa

In tutt i gês cristiann del noster mond:

con quell sò còrp atletich, modellàa...

 

Quii sò oggioni celest, quii lenden biond

Che ghe borla sui spall, a canellòtt,

E, tutt in glr, el rosc di vagabond

 

Affamàa, pien de crost e squasi biott,

Che ghe sprelonga i man per implorall...

Mì che, de viv, hoo mai creduu nagòtt,

 

E che trattavi i prêt de casciaball,

A quella vista, sont restàa incantàa

E per avègh el temp de remirall

 

Gh’hoo tegnuu fiss ss adòss el canocciàa!

 

 

Continuerà ?

 

[...]
Intorno a mezzanotte ero per strada,
Tornavo a dormire solo,
Con la testa piena del fracasso della serata
Che mi toccava solo soletto digerire...
Quando, tutto d'un tratto, nel girare un angolo,
Mi si para d'innanzi un soldato di grande corporatura!

Naturalmente...tanto per dargli il passo,
mi faccio da parte; ma il soldatone,
un ambrosiano, pregandomi di fermarmi,
mi arraffa la giacca col suo zampone
e lì con una voce di basso profondo
mi racconta che viene dall'altro mondo!

- A me non importa nulla - rispondo un po' sorpreso,
convinto che si trattasse d'un povero matto;
- Ho appena digerito uno di quei pesi
che proprio, caro lei...- Fermo, ribatte,
il signore che mi ha chiamato è un suo collega
e lei non deve mai dirmi che "se ne frega"!

- Eh, cosa dice? Chiamato da un mio collega?
Ma se lei non sa nemmeno chi io sia...
Se sono un impiegato... se ho bottega...-.
- Ma so che lei, insiste con energia,
è stato, come me, papà soldato...
soltanto che lei...nessuno ha mai falsato la sua posizione!

Invece io... non ha sentito questa sera
quel suo collega... come mi ha conciato?
Dica un po' lei... E' quella la maniera
di maltrattare la santa verità?
Un poeta deve sapere che i morti in guerra
sentono tutto benchè siano sotto terra! -
[...]

- A parte la scenetta...che fa ridere i polli...
andiamo, signor Atimada, non ha mai visto
lei che non ha il cervello che bolle,
andare a spasso nel millenovecentosedici quei poveri cristi
che tornavano a Milano dalla trincea?
e li ha guardati ben bene in faccia?

Chi ha detto a quel signore di prendermi le misure
quando è uno che non sa neanche cosa dice?
Un soldato con in braccio una bambina...
che gli cerca nella chioma i capelli grigi!
Ma che chioma, se allora i militari
si pelavano come paracarri?[...]

Ah, se sapesse signor Antonio...la mia bambina!
Altro chre orgoglio e mani in preghiera...
è in giro per le strade a battere i marciapiedi
e salta spesso...la colazione...
Quando sono morto in guerra, al San Michele,
aveva quattro anni...era una meraviglia!

Ero appena tornato dalla licenza...
E, se proprio devo dirle la verità...
Con un nodo di rivolta nella coscienza!
Avevo visto Milano piena di imboscati
Che, quando vedevano arrivare un soldato,
Facevano di tutto per girare l'occhio... dall'altra parte
[...]

Febbraio del sedici... morto al San Michele...
Un punto caldo, glielo garantisco...
Avevamo gli austriaci quasi sui piedi...
Non c'era mai requie né di notte né di giorno...
Di notte i razzi con le bombe a mano,
Di giorno quei rompiscatole degli aeroplani...

Al fronte, e lei che c'era me lo insegna,
non era necessario andare all'attacco
per beccarsi una sventola nella tigna;
Anche in trincea, riparati dai sacchi,
Arrivavano ogni momento certe "michette"
che di spedivano all'altro mondo col diretto!

Io, per esempio, vede, sono morto così:
non all'assalto con il mio schioppo in mano,
ma mentre facevo pipì
in una di quelle latte del Torrigiani
che, una volta svuotate del condimento,
servivano come vasi da notte al Reggimento!

Un colpo... e là, squartato come un capretto...
Neppure il tempo di lanciare un urlo, di fare un pensiero;
M'hanno tirato sù...mi hanno messo in un sacchetto.
Due zappatori, già pratici del mestiere,
Mi hanno fatto la buca bella e lì sul posto...
Poi mi ci hanno buttato dentro e coperto per benino!

Adesso non so neppure se sono là ancora
o se mi trovo in un cimitero di guerra;
ma io, per questa questione, non mi affanno...
Essere di qua o essere di là, una volta sotto terra,
che sia in un sacco o in una cassa,
il corpo non c'è più verso che rinasca!

Il corpo giace...diventato impotente...
e quelli che lascia indietro, pian pianino,
se lo tolgono via dal cuore e dalla mente,
fintantochè non si spenga anche il lumino
che era acceso davanti al suo ritratyto...
Altro che orgoglio...come ha detto quel matto!
[...]

Quando la morte corre sopra di noi,
pronta a piombare sul grande e sul piccolo,
sul povero e sul ricco...su chiunque sia...
diventa necessario stringersi vicini
e, giorno per giorno, sotto lo stesso dolore,
l'egoismo sparisce...e nasce l'Amore!

Ma il vero Amore...quello alto...quello chesi dona
senza aspettarsi ricambio;
l'Amore che, superata la persona,
è uno per tutti e tutti per uno;
L'Amore che muta in savio un delinquente
Per far crescere di una stella il firmamento!

Preso nella morsa dei ricordi,
mi tornavano nel cuore, vivi in fila,
il nome e la figura dei miei morti
e mi sembrava di tornare in trincea
sull'Alpe di Milegna, nel Trentino,
al San Michele del Carso o al Sabotino!

Per strada, a braccetto, camminando,
ascoltavo attentamente il soldatone
con lo spirito sospeso...senza fiatare...
Scandiva le parole con precisione:
«Febbraio del sedici...morto al Sam Michele...
aveva quattro anni...era una bellezza!...»

Appena morto, ancora da sotterrare,
ho abbandonato il mio corpo al suo destino
e senza perdere un soffio  sono corso di là
nella patria di tutti...senza confini...
dove l'uomo può vivere in santa pace e
godere liberamente quello che gli piace.

Per qualche anno per dir la verità,
Libero pienamente di godere a mio talento,
ho corso come un puledro liberato dalle pastoie,
girando per le stelle del firmamento;
di modo che, intanto, i miei di casa
si sono trovati due volte senza il papà!

Non è questo il caso né il momento
di raccontare quello che ho visto nella mia corsa;
però giacché siamo sull'argomento
e che nessuno dei due paga di borsa sua
vorrei parlarle d'un pianeta sterminato
dove l'uomo, se Dio vuole, è maturato!

Prima di tutto né Re, né Monsignori;
non parliamo di guardie o di soldati
e neanche grazie al cielo di domatori...
In quello stramondo non ci sono che scienziati
che godono la vita in pace, senza boria
di credersi in dovere di fare la Storia

 

Noi di questo mondo alla parola Scienza

stortiamo il naso e svoltiamo l'angolo;

invece là, è l'alta intelligenza

che salva l'uomo dal fare delle male azioni...

E frattanto nessuno parla di guerra

e tutte le croci si sono sfondate sotto terra.

 

Oh! Si nasce anche là... esattamente come qui

e tal quale qui, dopo, si muore:

ma non  c'è nessuno che pensa di maledire

o di misurarsi le pulsazioni del cuore...

L'uomo, in quel mondo, contento della sua sorte,

è padrone della vita e della morte! -

 

lo che venivo dalla nostra Terra,

dove tutti i momenti c'è un subbuglio

e si sente discorrere soltanto di guerra

così come si succhia una caramella zuccherata,

a quella vista sono rimasto di stucco

e avrei quasi giurato che c'era un trucco!

 

È possibile, dicevo tra di me,

che questa gente, fatta come noi,

non abbia proprio mai qualcosa da dire,

quando in Terra è un raggio di sole trovare uno

che non abbia addosso la presunzione

di imporsi al suo simile col bastone?

 

Ma siccome, per quanto guardassi,

non c'era mezzo di scoprire qualcosa

e continuavo a capirci dentro... un bel niente,

camuffato come oggi di carne e d'ossa

ho fermato senza tanti complimenti

il primo ometto che mi passava vicino.

 

Ascoltato quello che volevo e chiedevo,

chiarito che venivo da un mondo così da cani

dove l'uomo era un parto mal riuscito,

mi ha preso quieto quieto per mano

e con grazia mi ha detto di andare con lui

senza aggiungere una virgola di più!

 

Dopo avere sgambettato per un quarto d'ora

arriviamo ai piedi di un bello scalone d'avorio:

- Ecco, mi fa l'ometto, lì sopra

abbiamo un osservatorio tanto strapotente

che i mondi più lontani, vuoti o abitati,

cadono tutti sotto il nostro cannocchiale.

 

Invece di rispondergli a parole,

ho pensato di guidare lei all'unico sito,

da dove, senza nemmeno allungare il collo,

si indaga l'universo tanto bene

da rendersi conto del come e del perché

non poteva essere fatto che come è!

 

Appena dentro, nell'osservatorio,

mi ha avvicinato il cannocchial

e e senz' altro discorrere o fare storie,

muovendo certe manopole l'ha registrato

e subito, pieno digarbo e sorridente:

- Ecco, venga, mi dice guardi dentro;

 

ma che sappia però che è puntato

in maniera che lei possa vedere

solo i pianeti non spopolati;

tanto, per quello che ha voglia di sapere,

ne ha sempre abbastanza e gliene cresce...

Quanto a me... domando  permesso!...

 

Restato solo soletto come un fustone,

ad un passo da quel demonio di strumento

che mi metteva tanta soggezione,

un certo dubbio mi ha sfiorato la mente:

- Non sarà qualche scherzo? Perché è andato?

Vuoi vedere che l'ometto mi ha giocato? –

 

Ma lo spasimo di conoscere il come e il perché

ci fosse un mondo di gente tanto contenta,

quando invece, purtroppo, giù là nel mio

non trova mai pace...neanche quando è addormentato,

era tale che non è passato un minuto

che io stavo tutt' occhi al cannocchiale.

 

Se dovessi parlare distesamente

delle centinaia di pianeti che ho scrutati,

lei farebbe in tempo a perdere tutti i suoi denti

ed io non sarei neanche alla metà;

mi basta di riassumere la visione

quanto occorra per tirarne la conclusione.

 

Nel succedersi logico dei pianeti,

ho vistol'uomo partire dalla caverna

e dirigersi incerto alla sua meta

sotto la spinta d'una legge Eterna

 che, rendendogli più sicuri poco per volta schiena e cervello,

gli impediva di fare marcia indietro!

 

Mi è parso, così per fare un paragone,

di assistere al nascere e al crescere d'una semenza

senza perdere d'un filo l'evoluzione

in tutte le fasi della sua crescenza

dal momento che caccia i primi baffi

fino al giorno che frutta in Paradiso.

 

Quelli che affermano che l'uomo è sempre

quello, che gratta gratta, tolta la vernice,

si trova sotto un lupo misto ad un maiale,

è segno che hanno la vista nel traliccio

e che non sono buoni a vedere proprio nulla,

al di fuori dell'orlo del loro vaso da notte!

 

Per questo tengo a dirle, signor Atimada,

io che ho visto bene la verità,

che oggi la nostra Terra malfamata

nonostante gli spropositi degli squilibrati

e in barba a quegli allocchi di pessimisti,

ha anche lei il suo Paradiso in vista;

 

solo che, per vederlo, ci vorrebbe

che invece di accecare l'umanità

con stupidi giochetti di fantasia,

il poeta cantasse la Verità

per registrarle il cuore ed il cervello

abbagliati dal falso splendore del soldo!

 

Attraverso la lente del cannocchiale

di quello stramondo di gente sempre tranquilla

ho visto lucidamente la nostra Società

dalla sua prima formazione fino al duemila;

ho visto dunque tutto l'ieri del nostro pianeta

e il domani immediato che ci aspetta;

 

non conta proprio nulla se, nel frattempo,

si va incontro ad un pestaggio spaventoso;

perché l'umanità si disincanti

da certe fantasie del suo passato

ha bisogno di stramazzare per terra

sotto l'orrore d'una tremenda guerra...

 

Dopo di quella, dal duemila innanzi

la guerra sarà un ricordo lontano

e tutto l'ingegno dell'uomo, ogni suo slancio,

saranno impiegati per guadagnarsi un domani

di pace feconda per l'Umanità

nella sua santa, eterna Verità...

 

Abbia dunque questa fede, signor Atimada,

perché questa fede non è un'utopia

ma la coscienza stessa, rischiarata

dalla luce immortale della poesia...

che, in fine dei fini, è l'unico trait-d'union

tra l'uomo di tutti i mondi e il suo Padrone!

[...]

Ieri notte, un attimo prima di sparire,

come per concludere la lunga chiacchlerata

le parlavo di fede nell' avvenire...

fede che ha da essere coscienza rischiarata

e non l'atto servile del saltimbanco

che si sbatte a quattro zampe per due palanche!

 

Ma adesso, dato che siamo qui comodi

e giacché lei mi ascolta proprio volentieri,

prima ancora di parlarle dei miei di casa,

che, tanto e tanto, non c'è la maniera

di metterli sull' estro, le racconto la vera

storia del Bambino Gesù:

 

la prova più grande che il Signore,

chissà per quale scopo misterioso,

ha deciso di lasciare ai sognatori

il privilegio dei crucci e della croce!

Ma a questo punto abbandono la sestina

e mi attacco di slancio alla terzina.

 

Ho visto l'uomo partire dalla caverna

e dirigersi incerto alla sua meta

sotto la spinta d'una legge eterna...

 

Ho visto uno per uno tutti i profeti,

i capitani, i Re, gli Imperatori

e gli artisti e i filosofi e i poeti

 

preparare la strada del Signore,

finché un bel giorno, d'innanzi al cannocchiale

m'è comparso Gesù Cristo, il Redentore,

 

proprio lui, come lo vediamo dipinto

in tutte le chiese cristiane del nostro mondo:

con quel suo corpo atletico, modellato. . .

 

quei suoi occhioni celesti, quei capelli fluenti biondi

che gli ricadono  sulle spalle ad onde

e, tutto in giro lo sciame dei vagabondi

 

affamati, pieni di croste e quasi nudi

che gli allungavano le mani per implorarlo...

Io che da vivo non ho mai creduto a niente,

 

e che trattavo i preti da cacciaballe,

a quella vista sono rimasto incantato

e per avere il tempo di rimirarlo

 

gli ho tenuto addosso fisso il cannocchiale!

 

..............................

..............................

Continuerà?

 

Commento

 

Invia i tò penser, i tò emozion (anca in italian o ne la lengua che te par)