Torni a la vita   (testo e musica di Fausto Nino Rossi)

Flan-flan-flan,
ona ghitarra e on coro lontan,
flan-flan-flan,
me ricorden che gh'è anmò on doman.
Senza tì, mi credevi che fuss tutt finii,
ma 'me on alit de vita, pian pian,
ven 'sto flan-flan-flan.

Rivoeuri el mè tocch de praa,
el mè tocch de ciel tutt stellaa,
la primavera, coi fior e col vent,
l'autunn coi foeuj mort.
Voeuri i mè amis che hoo perduu,
la vita che m'ha appartegnuu,
rivoeuri on specc d'acqua, ona vella lontan,
e ona ghitarra che fa flan-flan-flan.

Flan-flan-flan,
l'è el mè coeur che el sgela pian pian.
Flan-flan-flan,
par ch'el batt con quell ritmo lontan,
torna in mì, disperada, la voeuia de viv,
l'è ona smania che aumenta man man,
sona flan-flan-flan.

FINAL
Flan-flan-flan,
ona ghitarra e on coro lontan,
Flan-flan-flan,
l'è el mè coeur che el se sgela pian pian.
Flan-flan-flan, par ch'el batt con quell ritmo lontan,
l'è ona smania che aumenta man man,
sona flan-flan-flan....Sona flan-flan-flan.