Le Beatitudini
(Padre Edo Mörlin Visconti)
Opera di Diana Carnevale
Le Beatitudini
Fortunaa quei che la fann semper franca
che hann finanziaa el partii di vincitor
fortunaa quei che gh'hann cinq cunt in banca
e vann a Portofino insemma ai scior.
Inscì el va el mond. L'è la mentalità
predominant, e l'è bella com'è.
Se vun el cred de vess minga invis'ciaa
in sti penser, ch'el leggia, per piasè.
Ch'el veda on poo se in del coeur l'è d'accord
col discors programmatich del Signor
e se la soa coscienza la remord
ch'el vaga a cercass foeura on confessor.
Vista la gent, Gesù l'è andaa in collina
...e i discepol, adree. E l'è staa allora
che l'ha taccaa, bell bell, a fà dottrina
come i curaa, domenica bassora.
«Fortunaa quei che gh'hann minga la colla
sui man quand che se tratta de danee
perchè a la fin de tutt sto tiramolla
in Paradis sarann no forastee.
Fortunaa quei che hinn faa de pasta bonna
che hinn bon de ced denanz a on prepotent
perchè se prima paghen de personna
a facc fornii s'hinn conquistaa la gent.
Fortunaa quei che piangen, che stann maa
che vorarien vedè la giustizia fada
ve disi ciar che sarann consolaa
prima che sia finida sta bugada.
Fortunaa quei che hinn bon de perdonà
perchè lavoren in èquipe con mi
e trovarann su l'uss el mè Papà
a specciài, quand che sonna l'ultim dì.
Fortunaa quei che pensen semper ben
e sann vardà cont i oeucc del Signor
perchè le veden quand che L'interven
a toccà i coeur che hinn frecc col sò calor.
Fortunaa quei che cerchen de mett pas
quei che se dann de fà per on mond giust
perchè in del ciel sarann quattaa de ras
e lassarann chì in terra el vestii frust.
E vialter amis, quand ve succed
che ve ne fann adoss pesg che Ravetta
per el mè Nomm e per la vostra fed
quand vorarissen strasciàvv l'etichetta
de cristian, portee senza paura
la vostra cros, che sii ben fortunaa
perchè la vostra paga l'è sicura:
sarii insemma ai profetta del passaa.
Ma disgraziaa, se sii pien de danee
perchè gh'hii giamò avuu la ricompensa
e anca vialter che mangii i bignee
perchè a l'inferno l'è in scioper la mensa.
Disgraziaa vialter che al moment
gh'avii i donnett, la «barca», e fii baldoria
perchè ve vegnarà l'esauriment:
l'è in do minor che la finiss la storia.
Se tucc ve disen bravo, se dal mazz
ve ven foeura el settbell, sii disgraziaa
hann trattaa inscì i profeta de strapazz
e a l'ultim rendez-vous sarii scartaa».
Le Beatitudini
Fortunati coloro che la fanno sempre franca
che hanno finanziato il partito dei vincitori.
fortunati coloro che hanno cinque conti in banca
e vanno a Portofino assieme ai ricchi.
Così va il mondo. È la mentalità
predominante, ed è quanto mai bella.
Se uno crede di non essere invischiato
in questi pensieri, legga, per piacere.
Veda un po’ se nel cuore è d’accordo
col discorso programmatico del Signore
e se la sua coscienza rimorde
vada a scegliersi un confessore.
Vista la gente, Gesù è andato in collina
… e i discepoli, appresso. Ed è stato allora
che ha cominciato, bel bello, a far dottrina
come i curati, domenica all’imbrunire.
“Fortunati quelli che non hanno la colla
sulle mani quando si tratta di denaro
perchè alla fine di tutto questo tiramolla
in Paradiso non saranno forestieri.
Fortunati quelli che sono fatti di buona pasta
che sono capaci di cedere davanti a un prepotente
perchè se prima pagano di persona
a fatti finiti si sono conquistati la gente.
Fortunati quelli che piangono, che stanno male
che vorrebbero vedere la giustizia fatta
vi dico chiaro che saranno consolati
prima che sia finita questa faccenda.
Fortunati quelli che sono capaci di perdonare
perchè lavorano in equipe con me
e troveranno sull’uscio il Padre mio
ad aspettarli, quando suonerà l’ultimo giorno.
Fortunati quelli che pensano sempre bene
e sanno guardare con gli occhi del Signore
perchè Lo vedono quando interviene
a toccare i cuori che sono freddi, col Suo calore.
Fortunati quelli che cercano di mettere pace
quelli che si danno da fare per un mondo giusto
perchè in cielo saranno coperti di raso
e lasceranno qui in terra l'abito logoro.
E voi amici, quando vi capita
che ve ne facciano più che Ravetta
per il mio Nome e per la vostra fede
quando vorrebbero stracciarvi l’etichetta
di cristiano, portate senza paura
la vostra croce, che siete ben fortunati
perchè la vostra paga è sicura:
sarete assieme ai profeti del passato.
Ma disgraziati se siete pieni di denaro
perchè avete già avuto la ricompensa
e anche voi che mangiate i bignè
perchè all’inferno è in sciopero la mensa.
Disgraziati voi che al momento
avete le donnine, la “barca”, e fate baldoria
perchè vi verrà l’esaurimento:
è in do minore che finisce la storia.
Se tutti vi dicono bravo, se dal mazzo
vi esce il settebello, siete disgraziati
hanno trattato così i profeti da strapazzo
e all’ultimo appuntamento sarete scartati”.
