Ritornen

Ritornen alla veggia casa i fioeu;

ritornen cont i sciaj  rosa e celest

stringiuu  fra i brasc.

'N di nevoditt mi vedi

ancamò lor,

che tornen, piscinitt.

E sto o a guardà

quel sò vegnì, quel sò andà festos.

E nass anmò in del coeur la poesia

che l'era stada

(cont la ca' voeuja)

da la malinconia portada via.

E ritornen i vos:

l'è come on cippì  alegher d'usellitt.

Senti ancamò quel farfojà de fioeu,

ch'el me tegneva cont el coeur sospes

ad aspettà con tanta agitazion

(per l'emozion)

de sentimm ciamà « Mamma! ».

Ritornen...

Ed anca mì ritorni indree... indree...

come allora a cantà la ninna-nanna;

ritorni a dà la pappa,

ritorni a immedajamm

coi stelI de la pastina

la mia camisa bianca.

Volen basitt intant a cent a cent

che per i mè fioeu grand

mi doo ai piscinitt...