Ona sferla de sô
(Paolo Sambo)
Ona sferla de sô
In la lus dòra
d'ona sferla de sô
travers i gelosii
de la finestra,
gh'è, spiscinii,
el caòs de l'univers.
Gh'è la polver di stell,
srarida fin a sfreguiass
in d'ona moltitudin
de pontitt lusent,
lugher d'ona fiammada
che giren, vann e vegnen,
se pizzen e se smòrzen.
E gh'è, faa d'aria
che la par lustrada,
el polverin
d'on mond in moviment
che'l derva in del penser
ona realtà fantastica.
Gh'è el primm salut
del dì che ven
per i fantasma, i ultim,
de l'altrer.
E forsi, anònim,
in d'on serc d'ombria,
senza fà mostra de savell,
là dent,
anim in pena che semm nun,
fregui de nient
in d'on barlum de sô.
Uno squarcio di sole
Nella luce d’oro
di uno squarcio di sole
attraverso le gelosie
della finestra,
c’è, in piccolo,
il caos dell’universo.
C’è la polvere di stelle,
diradata fino a sbriciolarsi
in una moltitudine
di puntini lucenti.
Faville di una fiammata
che girano, vanno e vengono,
si accendono e si spengono.
E c’è, fatta d’aria
che sembra lucidata,
la polverina
di un mondo in movimento
che apre nella mente
una fantastica realtà.
C’è il primo saluto
del giorno che viene
per i fantasmi, gli ultimi,
quelli dell’altro ieri.
E forse, anonime,
in un cerchio d’ombra,
fingendo di non sapere,
là dentro,
anime in pena che siamo noi,
briciole di niente
in un barlume di sole.
