La cassina
El ninna el vent i pobbi
in mezz a la gran pas de la campagna
e l'ultim sô el carezza la cassina.
De sòtt al portegh cont in scoss la scianna
pisòcca pipa in bocca el vecc paisan
e dent i serc de fumm...nassen ricord,
davanti ai oeucc tobis hinn lì tucc viv
e in de l'ombrìa el gòd la libertà
de usmà e scoltà...vos e profumm
che lù l'ha pròppi mai desmentegaa.
Vos e frecass de stalla,
odor de terra, quella
anmò dent i sò man,
profumm de fen, de loeuv e de foiamm,
sgarr de patan, de gioin sora l'era
cont i canzon di dònn e di tosann.
Poeu tutt svaniss 'me on gioeugh de gibigiann
e in del silenzi che le mett in cros,
cont el magon che ghe se stròzza in gola,
in d'on ti-tich ti-tach de pass strusaa
el guzza i oeucc sora la soa campagna
doe gh'è i radis de tutti i sò de cà
e in del reciòcch del son d'ona campana
el biassa on'orazion per fà tornà
...brasc giovin de volontà
per onorà la terra...in onestà! |
|
La cascina
Culla il vento i pioppi
in mezzo alla gran pace della campagna
e l'ultimo sole accarezza la cascina.
Sotto il portico con in grembro la gatta
sonnecchia, pipa in bocca, il vecchio contadino
e nei cerchi di fumo...nascono ricordi,
davanti agli occhi miopi sono lì tutti vivi
e nell'ombra gode la libertà
de aspirare e ascolatre...voci e profumi
che non ha proprio mai dimenticato.
Voci e rumori di stalla,
odor di terra, quella
ancora dentro le sue mani,
profumo di fieno, di pannocchie e di fogliame,
grida di bimbi, de giovani sull'aia
con le canzoni di donne e ragazze.
Poi tutto svanisce come un gioco di riverberi
e nel silenzio che lo mette in croce,
con il nodo che gli strozza la gola,
in un tic-tac di passi strisciati
fissa gli occhi sulla sua campagna
dove ci sono le radfici di tutto i suoi di casa
e nel rintocco del suono della campana
bisbiglia una preghiera per far tornare
...braccia giovani di volontà
per onorare la terra...in onestà!
|