El Don Felis (Giannina Pizzamiglio)                   

El Don Felis (riflession d'on Prét)

L'era in su l'uss de la sagrestia
- che già el se preparava a traversà,-
quand ona vôs dedent la ghe besìa:
"Va in gesa, Don Felis, a confessà!"

Ma el Prét el pensa: questa confession,
sta gent che la me biassa i sò peccaa,
cossa la dev portà, in conclusion,
forsi a salvai per minga vess dannaa?

El sarà inscì...'l diseven anca a mì
e mì gh'el disi ai alter...persuas
e in l'istess temp onest...Chi no'l me disa
che sien anca lor in del mè cas?

L'è vera! Nun medegom con la Fed,
che poeu gh'hann minga, e quest in fond in fond,
come che 'l dis quell tal che a nient el cred,
l'è on moeud che 'l pò ciamass imbrojamond!

Ma Santo Dio! Cossa dovariom fà?..
Tanti robb poden vess puranca vera.
ma infin, cossa sariom chì poeu a dà?
E l'onor? La coscienza? 'Na chimera?

Quij tai che ragionen de zavai,
ne fann de cott, de crud, de tutt'i sort,
poeu vegnen in de nun quand oramai
ghe manca pocch per incontrà la mort.

Oh, pòri nun, 'se gh'emm de soportà!
Miracoi cont i Sant n'emm faa e ne vanza,
emm tampinaa l'Eterno chì e là
ma quand l'è tropp...'se vâr la perdonanza?

Mì, quasi, torni indree a fà on sognett...
"Ehi, Don Felis, la gent de là l'è tanta!"
"Oh, scior Curaa, sont chì, che 'l staga quiett..."
e svelt el poccia el did in l'Acquasanta.

april,1988 

Don Felice (riflessioni di un prete)

Era sulla porta della sacrestia

- che già si apprestava ad attraversare, -

quando una voce dentro gli insinua:

"Va in chiesa, don Felice, a confessare!"

Ma il prete pensa: questa confessione,

questa gente che mi sussurra i suoi peccati,

a cosa deve portare, in conclusione,

forse a salvarli perché non siano dannati?

Sarà così...lo dicevano anche a me

e io lo dico agli altri... persuaso

e al tempo stesso onesto... Chi mi dice

che non siano anch'essi nel mio dubbio?

È vero! Noi rimediamo con la Fede,

che poi non hanno, e questo in fondo in fondo,

come dice quel tale che a nulla crede,

è un modo che può definirsi gabbamondo!

Ma Santo Dio! Cosa dovremmo fare?...

Tante cose possono essere pur vere.

Ma infine, cosa saremmo qui poi a dare?

E l'onore? La coscienza? Una chimera?

Quei tali che ragionano da scioperati

ne fanno di cotte, di crude, di ogni sorta,

poi vengono da noi quando ormai

manca loro poco ad incontrare la morte.

Oh, poveri noi, cosa dobbiamo sopportare!

Miracoli con i Santi ne abbiamo fatti sin troppi,

abbiamo importunato l'Eterno qua e là

ma quando è troppo... che cosa vale il perdono?

Io, quasi, ritorno a fare un sonnellino...

"Ehi, don Felice, la gente di là è molta!"

"Oh, signor Curato, sono qui, stia quieto..."

e veloce intinge il dito nell'acquasanta.

 aprile,1988