El nost teater (Giannina Pizzamiglio)      

El nost teater

Bicentenari! Duu secol de vitta!
Parolla grandiosa al noster Teater
per quij che hann sognaa
'sto miracol de gloria.

Milan l'è la toa cunna,
el mond l'è la toa storia...
madrinna in del batezim
'na gran dama famosa.

Meneghitt i tò gent,
hann curaa i tò primm pass...
la Madonnina lusenta desora per tucc,
de là in Alt a vardat.

Sii nassuu squas insemma
sotta el ciel de Milan
e in quel temp favolos
- su la fin del Settcent -
emm sentuu la toa vôs.

L'era el temp di daminn,
di perucch, di socch longh,
di carozz "tir-a-quatter"...
oh, cara el nost bell Teater!

Dignitaa contegnuda,
scàpellad piegaa in duu
- nobiltaa, già se sa...
temp passaa, temp che va...-

"La Prima"... "La Prima"...
natural - Gran Serada!
Là dedree del sipari
l'è staa tutt on impegn:
artistonni...omm de ingègn...la bacchetta sicura.

"Foeura!...Foeura!..."(on'ondada de vôs)

'na fioridura al dervis del bell scenari!

Dal loggion, dai fil di palch,
'me s'cioppass ona mattanna,
tutt'insemma a la platea
battiman finna a spelass...

Desott'al portegh
gh'è restaa el silenzi...
tanti coeur in su la piazza
de cornis fann ai landò,
landò che spetten e hinn bardaa de festa,
spetten... ma finna a quand?
La voeunna?...I dò?...
Mah. . .

... e chì me fermi.
Quell che hoo ditt
l'hann giamò ditt
- storia che parla,
pù nissun scancella -

passi donca in del mè temp,
temp de gioventuu, intes, la mia.

Regordi, e quest l'è cert
regord che passen via,
in rimma o minga in rimma,
l'è semper poesia.

Andà a la Scala l'era
- e l'è - on aveniment:
el lusso... lassemm perd,
la moda l'è passada,
ma quell che passa no
l'è quell che se sent dent.

Mì seri ona tosetta
e cont 'l mè Papà
- segond el Cartellon -
nun serom semper là,
là in alt, el nost loggion,
sincera la passion!

Poeu, la guerra.! Rivaa i bomb
ch'hann faa quell che semm tucc:
disaster su disaster...
ma i noster Meneghitt
coi manegh voltaa indree
- quadrell sora quadrell -
t'hann miss in pee, oh Teater
in ghinghera 'me primma
- finezz, no gh'è paroll!...

E torni anmò al mè post,
là in alt, par che 'l me spetta...
cont i oeucc che s'impienissen
de gioia e de dolcezza,
la sensazion l'è semper
de viv on alter mond...

Coi brasc sul poggiorin
- denanz el lampedari -
l'orchestra là giò in fond...
...sospir d'on bell preludi
d'archett pontaa in del voeui,
se smorzen tutt'i lûs,
me incanti...
intant, sottvôs te disi:

"Andemm, oh nost Teater
sul terz tò Centenari!"

Il nostro teatro

Bicentenario! Due secoli di vita!

Parola grandiosa al il nostro Teatro

per coloro che hanno sognato

questo miracolo di gloria.

Milano è la tua culla,

il mondo è la tua storia...

madrina del battesimo

una gran dama famosa.

Meneghina la tua gente,

ha curato i tuoi primi passi...

la Madonnina lucente sopra per  tutti,

là in alto a guardarti.

Siete nati quasi insieme

sotto al cielo di Milano

e in quel tempo favoloso

- verso la fine del settecento –

abbiamo sentito la tua voce.

Era il tempo delle damine,

delle parrucche, delle gonne lunghe,

delle carrozze “tiro a quattro”...

oh, caro il nostro bel Teatro!

Dignità contenuta,

levate di cappelli piegati in due

- nobiltà, già si sa...

tempo passato, tempo che va...-

“La Prima”... “La Prima”...

naturale – Gran Serata!

Là dietro il sipario

è stato tutto un impegno:

grandi artisti... uomini di ingegno...la bacchetta sicura.

“Fuori!...Fuori!” (un'ondata di voci)

una fioritura all’aprirsi della bella scena!

Dal loggione, dalle file dei palchi,

come se scoppiasse una mattana,

tutti insieme alla platea

battimani sino a spellarsele...

Sotto al portico

è rimasto il silenzio...

tanti cuori sulla piazza

fanno da cornice ai landò,

landò che aspettano e sono bardati a festa,

aspettano... ma fino a quando?

La una?... Le due?...

Mah...

... e qui mi fermo.

Ciò che ho detto

l’hanno già detto

- storia che parla,

più nessuno cancella –

passo dunque nel mio tempo,

tempo di gioventù, intendo, la mia.

Ricordo, e questo è certo,

ricordi che passano via,

in rima o non in rima,

son sempre poesia.

Andare alla Scala era

- ed è – un avvenimento:

il lusso... lasciamo perdere,

la moda è passata,

ma ciò che non passa

è quello che si sente dentro.

Io ero una bambina

e con mio papà

- secondo il cartellone –

noi eravamo sempre là,

là in alto, il nostro loggione,

sincera la passione!

Poi, la guerra! Sono arrivate le bombe

che hanno fatto quello che sappiamo tutti:

disastri su disastri...

ma i nostri meneghini

con le maniche rivoltate

- mattone sopra mattone –

ti hanno rimesso in piedi, oh Teatro

in bella mostra come prima

- finezze – non ci sono parole!

E torno ancora al mio posto,

là in alto, sembra che mi aspetti...

con gli occhi che si riempiono

di gioia e di dolcezza,

la sensazione è sempre

di vivere in un altro mondo...

Con le braccia sulla balaustra

- davanti il lampadario –

l’orchestra laggiù in fondo...

... sospiro di un bel preludio

di archetti sospesi nel vuoto,

si spengono tutte le luci,

mi incanto...

intanto, sotto voce ti dico: