In Dòmm!...Sett ôr ò pòcch in là  (Giannina Pizzamiglio)    

 

Testo originale Traduzione letterale 

 

In Dòmm! ...Sett ôr o pòcch in là

 

Che pâs in sul sagraa del Dòmm,
che pâs instamattinna...
Quij basei longh che intorna
te fann de pedestall, oh Dòmm
hinn voeui,
nissun an'mò che truscia
nissun se da de fà.

 

Me fermi e vardi in sù
al poggiorin de sass a colonnett
sora el porton de bronz,
quell pussee grand:
- 'me l'ha vorsuu Gian Galeazz Viscont

 de sescent ann stà scritt

 

"MARIAE NASCENTI"

 

tra on vol de puvionitt.

 

Che bell geson!
...E me trattegni el fiaa per totoramm dedent
el gust de 'sto silenzi
che 'l sleggeriss i ann
e fa tornà la'voeuja
de dill a pienna vôs.

 

Che pas me allora!
On ragg de sô 'l te inlumina de fianch
e rampeghen i gulij a toccà el ciel...
chissà... chissà...
- e la domanda la me prèmm -
chissà quanti anim in di tò ann
hann daa tutt el sò bon!...

 

De cert i galantòmm vestii de ingegn
ch'hann scernii el tò progett maravejos,
i magutt, cont i man generôs
tòcch sora tòcch e inanz in de l'impegn
e i dònn de coeur e coi fadigh
ch'hann guarnii j altar con milla pizz...
ripòsen? Indoe rèquien?
Oh Dòmm, doe t'j hee logaa?

 

Là in alt, sui gulij, insemma ai Sant
e ògnidun con la soa stòria?..
e ògnidun con la soa pâs?..
Lor l'hann veduu per primm el gran miracol:
su la guglia pussee alta
se poggiava la Madònna,
sì, la nostra Madonninna, oh Dòmm
con l'eterno Sò soris!

 

. . . . . . . . . . . .

 

Scrizza legger el portonsin de legn...
sul scòss de l'Acquasanta
foo el segn de crôs,
i pass vers la navada
se moeuven deperlor... In la penombra quietta
'na vesta bianca in fond
la benediss:
"Ite! Missa est!"

 

. . . . . . . . . . . .

 

De foeura,
sul poggiorin de sass a colonnett
i puvionitt concerten la giornada...
On ròsc de gent foresta,
el primm che riva in quella,
hinn giappones, con tant de "cinepresa"...

 

Oh Dòmm, l'è ora!
Te metten giamò in pòsa!...

 

. . . . . . . . . . . .

 

Sett ôr de la mattinna o pòcch in là
ma...pòcch in là,
che pâs in sul sagraa!

 

magg, 1986

"ex-equo" poesie finaliste - 1°lustro Premio Poesia
"La Maschera d'Oro" alla memoria di Giovanni Luzzi.
Circolo Culturale "Il Cenisio" nel Salone d'onore
dell'Associazione Nazionale Mutilati e Invalidi
di Guerra, Milano, 14 giugno 1986.

 

In Duomo!... Alle sette o poco più

 

Che pace sul sagrato del Duomo,

che pace stamattina…

Quei gradini lunghi che intorno

ti fanno da piedestallo, oh Duomo

sono vuoti,

nessuno ancora che si traffica

nessuno si dà da fare.

 

 Mi fermo e guardo in su

al balconcino di sassi a colonnette

sopra il portone di bronzo,

quello più grande:

- come l’ha voluto Gian Galeazzo Visconti

da seicento anni sta scritto

 

 “MARIAE NASCENTI”

 

 tra un volo di piccioncini.

 

 Che bella chiesona!

… E trattengo il fiato per assaporare dentro

il gusto di questo silenzio

che alleggerisce gli anni

e fa tornare la voglia

di dirlo a piena voce.

 

Che pace come allora!

Un raggio di sole ti illumina di fianco

e si arrampicano le guglie a toccare il cielo…

chissà… chissà…

- e la domanda mi preme –

chissà quante anime nei tuoi anni

hanno dato tutto il loro buono!...

 

Certamente i galantuomini vestiti d’ingegno

che hanno scelto il tuo progetto meraviglioso,

i muratori, con le loro mani generose

pezzo su pezzo e avanti nell’impegno

 e le donne di cuore e con le fatiche

che hanno ornato gli altari con mille pizzi…

riposano? Dove riposano?

Oh Duomo, dove li hai sepolti?

 

Là in alto, sulle guglie, assieme ai Santi

ed ognuno con la propria storia?...

e ognuno con la propria pace?...

Essi hanno visto per primi il gran miracolo:

sulla guglia più alta

si appoggiava la Madonna,

sì, la nostra Madonnina, oh Duomo

con l’eterno Suo sorriso!

 

. . . . . . . . . . . .

 

Scricchiola leggero il portoncino di legno…

sulla soglia dell’Acquasanta

faccio il segno della croce,

i passi verso la navata

si muovono da soli… nella penombra quieta

una veste bianca in fondo

benedice:

“Ite! Missa est!”

 

. . . . . . . . . . . .

 

Fuori,

sul balconcino di sassi a colonnette

i piccioncini concertano la giornata…

Un gruppo di gente straniera,

il primo che arriva in quel momento,

sono giapponesi, con tanto di “cinepresa”…

 

Oh Duomo, è ora!

Ti mettono già in posa!...

 

. . . . . . . . . . . .

 

Le sette del mattino o poco più

Ma… dopo poco,

che pace sul sagrato!

 

Commento

 

Invia i tò penser, i tò emozion (anca in italian o ne la lengua che te par)