Va!...rondenin (Giannina Pizzamiglio)               

Va!...rondenin

Va!...
va, rondènin del ciel
derva i tò al e va,
vola travers i nivol
quattaa de lattimel.

Va!...
va, rondenin del ciel
fermes de tant in tant
se 'l vent semper ingord
el voeur sferlà l'incant.

'Sto viagg che te domandi
- inanz de vess urgent -
(damm Signor almen 'na man,
tì t'el see quell che gh'hoo dent...)

e scoltom...rondenin,
t'el sentet anca tì
che l'aria che respirom
l'è gramma dì per dì,

per quatter macaronni
che intes hinn mai andaa,
varendes del cervell
contra l'umanitaa.

Va! . . .
va, rondenin del ciel
derva el tò becchignoeu,
dighel al Padreterno
quell che succed incoeu:...

se in cà e in su la strada
la gent l'era sicura
de gòd la soa giornada
de viv la soa aventura...

No! No pò vess progress
domà schiscià bottonni
segond l'inversadura
de vun di macaronni!

Va!
va, rondenin del ciel
e chì te spettaroo,
te spettaroo doman...
on trill... l'è incontra al Sô!

. . . . . . . . . . . . . . .

Vola, bonna fortunna!
Bonna fortunna! Va!

Vai! … rondinella

Va! …

va, rondinella del cielo

apri le tue ali e va,

vola attraverso le nuvole

coperte di lattemiele.

Va! …

va, rondinella del cielo

fermati di tanto in tanto

se il vento sempre ingordo

vuoe squarciare l’incanto.

Questo viaggio che ti chiedo,

- prima che diventi urgente, -

(dammi Signore almeno una mano,

tu sai quello che ho dentro …)

e ascoltami … rondinella,

lo senti anche tu

che l’aria che respiriamo

è cattiva ogni giorno di più,

per quattro bellimbusti

che non sono mai andati d’accordo,

avvalendosi del cervello

contro l’umanità.

Va! …

va, rondinella del cielo

apri il tuo beccuccio,

dillo al Padreterno

quello che succede oggi …

se in casa e sulla strada

la gente era sicura

di godersi la sua giornata

di vivere la sua avventura …

No! Non può essere progresso

solo il premere bottoni

a seconda  dell’umore

di uno dei bellimbusti!

Va!

va, rondinella del cielo

e qui ti aspetterò

ti aspetterò domani …

un trillo … è verso il Sole!

……………………………..

Vola, buona fortuna!

Buona fortuna! Va!