Per i strad, in di piazz e in Galleria

el carneval fa i ultim sò mattan.

Trombett, coriandol e di gran villan

pacch in sul coo e palpad in allegria.

'Na volta, dai carrozz volaven via

benis, fior e basitt de bej tosann...

Se descorreva, allora, per tutt l'ann

del veglion del Giardin  oh, nostalgia

de toalett e marsin, ventaj e pium,

parol baloss e compliment suttil,

decolté che inciocchiven de profum,

morbida tentazion fiorent de sott

ai lampadari de cent fiamm! Gentil

mond tramontaa! Adess i donn vann biott,

semper tutt l'ann. Stanott
al ristorant la gent fa la pacciada,

la fa baccan, la balla e l'è nojada.