El vero Te Deum

Mamma, te m'ee insegnaa
che l'ùltem dì dell'ann va rezzitaa
con fed e sentiment
on bell Te Deum de ringraziament
per tutt el ben ch'el Signor el n'à daa,
e per el mal schivaa.

E mì. Mamma. el me pias
'sto Te Deum; e ghe troeuvi on segn de pas,
on pegn per l'ann che ven,
ona caparra per dell'àlter ben.

E el rèzziti, defatt,
Perchè. sarò on malnatt;
ma al Signor, alla fin, ghe credi anmò.

Però. Mamma. però
per rezzitall con vera divozion
mi ciappi l' occasion
minga del dì precis della fin d'ann
ma del tò compleann.

E, pien el coeur de amor
mi ghe disi al Signor:
Grazie, per el gran don che Te m'ee faa,
per la benedizion che Te m'ee daa,
per 'sto re di regàj
ch'el fa desmentegà ogni sort de guàj:
per 'sto favor, infin,
de avemm conservaa el mè Mammin!.