La benedizion de Natal (Giosafatte Rotondi) 

 

Testo originale Traduzione letterale 

 

La benedizion de Natal  (1944)

Gh'era on àlter post voeuj
quest' ann, al disnà de Natal...
o pòvera cà mia
che la deslengua-via!

Gh'era on àlter post voeuj.
Marina, alla nostra tàvola
de Natal: l'era eI Tò...
Marina. guarda-giò.

Manda del Paradis,
la benedizion de Natal
sulla pòvera cà
Toa e del Tò Papà!

... E gh'era anmò a capp-tàvola
lì, al sò post sòlet, la Mamma
(che la sia benedetta
cent voeult la mia Mammetta!)...

...Mì - in la malinconia,
Marina, de 'sto Natal gris
ricevi in genuggion
la Toa benedizion.

 

Commento

 

Invia i tò penser, i tò emozion (anca in italian o ne la lengua che te par)