I gnocch de sàbet grass
(novella)
Quai vint ann fa, quand s'eri già a Milan,
Hoo cognossuu a Sant Cels, in d'on caffè
Dove andavi de spess, on Marchesin
Sempr'allégher, simpatich, alla man,
Che tra de nun amìs - soo nò perchè
S'érem miss ch'el ciammàvom "el Cecchin";
L'è giust appont a lù che gh'è success
El bell casett che vuj cuntavv adess.
***
Quell pover fioeu l'era tegnuu a stacchetta
Malastant ch'el gh'avess fior de plan-plan
De podè spend del sò
Senza fagh tropp la metta,
Per 'vei ereditaa dalla mamman;
Ma sò papà (on Marches stil rococcò)
Restaa vedov e soll già d'on poo d'ann,
L'era de quei pien de moralitaa
E de santa sapienza
Che, credend de fa ben, fann domà dann;
E che, ciappand l'impegn de fà i peccaa,
Al prossim ghe fann fà la penitenza.
De reson, anca ben ch'el giovinott
El fudess pù on bagaj de andà a scoletta,
(Chè d'ann el ghe n'aveva già vintott)
E el sentiss ona voeuja malarbetta
De spassàssela andand de chì e de lì,
Ghe toccava stà inscì:
De sira ai des, allon!, sott pesg che impressa;
Ogni mattinna la soa santa Messa;
E l'era fors domà trii mes o quatter
Che l'aveva desmiss, ma d'ordinari
El sò divertiment e el sò teatter
L'era de stà a rispond anca al rosari
Che diseven la coeuga e el sò papà
Tost fenii de disnà.
Gh' è de bon che in gran part el se impattava
Del dì a fa quell che i alter giovinott
Podéven fa de nott:
Ai "Thè-concert" in dove se ballava,
Al caffè col bigliard, e in di alter sit,
Per fà i sò coss polit.
Ma con certi robbett, già, sanguannon!,
Del dì no gh'era el mezzo de impattass!...
Sta volta l'era giusta Sàbet grass
E ghe sariss toccaa andà nò al veglion?!...
No sia mai vera!...Quand hinn staa i des or,
Come de solit, el s'è miss al cobbi;
Ma, subet ch'el moment l'è staa in favor,
Foeura pian pian di dobbi
Cont gran riguard per minga fà frecass,
El s'è vestii, l'ha rimpolpaa el borsin,
E dal primm pian - de già che l'era bass -
Lassandes giò coi man, se l'è cavada;
L' ha traversaa el giardin
E l'è andaa a gòd anch lù la soa nottada.
Ma al sur Marches, che l'era gajnnon,
Dessedandes lì adree alla mezzanott,
Gh'è vegnuu la cattiva ispirazion
De andà a vedè se el merlo l'era sott;
E, trovand el lett voeuj, l'ha pensaa ben
De logass denter lù:
«Che inscì doman matinna quand el ven
(L'ha ditt) el ciappi in bagna e el scappa pù!»
***
All'alba di ses or, el Marchesin
El torna a cà diffatti ben persuas
D'avella fada franca...pian pianin
El va per andà in lett
Gustand anmò el profumm sù per el nas
D'ona certa "Pierrette"
Ch'el gh'aveva avuu in scoss durant la zènna
In d'on gabinettin particolar...
Ma, apenna dervii l'uss, tra 'l scur e el ciar
Della matinna, el ved sta bella scènna:
Sò papà ch'el ronfava alla pù bella
Al sò post, per cattall propri in pollee!...
«Dessedall? (el s'è ditt) manca anca quella!
Putost mi torni indree!...»
Infin, poeu, l'ha decis, pensandegh sù,
De fa pace-pagaa:
E in del lett del papà l'è andaa dent lù
Per fass trovà, a sò temp, indormentaa.
Ma l'è ben che cont l'anem inquiett,
Per quanto ghe n'avess on gran bisogn
E el se voltass e revoltass in lett,
L'era minga fottuu de trovà el sogn.
***
A on tratt, in quella ch'el requiava on poo,
El sent a dervì l'uss e, alzand el coo,
El ved a vegnì dent n'apparizion,
Come on fantasma che, col pass incert
De vun che va a taston,
El ven lì al lett per tirà indree i covert
E casciass sott ai dobbi!... «Chi va là!...»
(Vosa el "Cecchin" che, al pass e alla statura
L'ha capii che l'è minga sò papà)
E l'ombra, via! a scappà de gran premura
Cont on cìgol acutt per el spavent!... ........................................
Ah... quella vòs... qui brasc...quell taffanari!...
Eren quei della coeuga!... ciar... patent!...
(Ona tosotta stagna
Vegnuda de montagna
Che gh'aveven in casa da pocch mes:
E l'era giust d'allora ch'el Marches
L'ha dispensaa el fioeu de dì el rosari.
Se ved che, per quistass pussee virtù,
Ghe piaseva respondegh domà lù).
***
Fatt l'è ch'el Marchesin, cont meraviglia,
Quand poeu l'è levaa su, a metaa giornada,
Inscambi de toeu sù l'intemerada
Ch'el specciava, dal capp della famiglia,
L'ha sentuu che in cusinna el sò papà
El gh'ha ditt alla coeuga: - «Neh, Gioconda,»
I gnocch, l'è mei fai pù, per el disnà;
Perchè l'è on piatt pesant
Che a digerill de nott, dal pocch al tant,
El ghe fa perd a tucc la trebisonda!!»
(1910)
|
Gli gnocchi
del sabato grasso
Una
ventina di anni fa, quando ero già a Milano,
ho
conosciuto a San Celso, in un caffè
dove
andavo sovente, un Marchesino
sempre
allegro, simpatico, alla mano,
che tra
noi amici – non so perché –
ci
eravamo accordati di chiamarlo “el Cecchin”;
È
proprio a lui che è capitato
il bel
fatterello che voglio raccontarvi adesso.
***
Quel
povero ragazzo era tenuto a stecchetto
nonostante avesse fior di mezzi
da poter
spendere del suo
senza
troppe restrizioni,
per
averli ereditati dalla mamma;
ma il suo
papà (un Marchese stile rococò)
rimasto
vedovo e solo già da qualche anno,
era di
quelli pieni di moralità
e di
santa sapienza
che,
credendo di far bene, fanno solo danni;
e che,
assumendosi l'onere dei peccati,
lasciano al
prossimo la penitenza.
Di modo
che, benché il giovanotto
non fosse
più un bambino dell’asilo,
(che di
anni ne aveva già ventotto)
e
si sentisse una voglia matta
di
spassarsela andando qua e là,
era
costretto a vivere così:
di sera
alle dieci, màrsc! di corsa a letto;
ogni
mattina la sua santa Messa;
ed eran
forse solo tre o quattro mesi
che aveva
smesso, ma solitamente
il suo
divertimento e il suo passatempo
erano di
stare a rispondere anche al rosario
che
dicevano la cuoca e il suo papà
non appena
terminata la cena.
C’è di
buono che in gran parte andava in pari
facendo
di giorno quello che gli altri giovanotti
potevano
fare di notte:
Ai
“Thè-concert” dove si ballava,
al caffè
con bigliardo, e negli altri luoghi,
per fare
i propri comodi tranquillo.
Ma con
certe cosette, già, accidenti!,
di giorno
non c’era la possibilità di pareggiare!...
Questa
volta era guarda caso Sabato grasso
e gli
sarebbe toccato rinunciare al veglione?!...
Non sia
mai vero! Quando furono le dieci,
come di
solito, si mise a letto;
ma,
appena intravisto il momento favorevole,
uscì pian
piano dalle lenzuola
con
grande attenzione a non fare rumore,
si vestì,
rimpinzò il portafogli,
e dal
primo piano – che era basso –
aiutandosi con le mani, saltò giù;
attraversò il giardino
ed andò lui
pure a godere la sua nottata.
Ma al
signor Marchese, che era un furbacchione,
svegliandosi intorno alla mezzanotte,
venne la
cattiva ispirazione
di andare
a vedere se il merlo era sotto;
e,
trovando il letto vuoto, pensò bene
di
infilarcisi dentro lui:
“Che così
domani mattina al suo rientro
(disse) lo prendo in castagna e non scappa più!”
***
All’alba
delle sei, il Marchesino
Tornò a
casa infatti ben persuaso
d’averla
fatta franca… pian pianino
fece per
andare a letto
gustando
ancora il profumo col naso
di una
certa “Pierrette”
che aveva
avuto in braccio durante la cena
in un
particolare separé…
Ma,
appena aperto l’uscio, tra il buio e la luce
della
mattina, vide questa bella scena:
il suo papà
che russava alla più bella
al suo
posto, per coglierlo proprio in castagna!...
“Svegliarlo? (si disse) ci mancherebbe altro!
Piuttosto
torno indietro!...”
Infine,
poi, decise, pensandoci su,
di fare
pari e patta:
e nel
letto del papà ci entrò lui
per farsi
trovare, a tempo debito, addormentato.
Ma a
causa dell’animo inquieto,
per
quanto ne avesse un gran bisogno
e si
voltasse e rivoltasse nel letto,
non fu
capace di trovare il sonno.
***
Ad un
tratto, proprio mentre si era rilassato,
sentì
aprire la porta e, alzando il capo,
vide
entrare un’ombra,
come un
fantasma che, con il passo incerto
di uno
che procede a tentoni,
si
avvicina al letto per scostare le coperte
e
cacciarsi sotto le lenzuola!...
“Chi va
là!...”
(Gridò el
“Cecchin” che, dal passo e dalla statura
capì che
non era il suo papà)
E
l’ombra, via! A scappare di gran premura
con un
urlo acuto per lo spavento!...
....................................
Ah…quella
voce… quelle braccia… quel sedere!…
Erano
quelli della cuoca!... chiaro… lampante!...
(Una
ragazzotta stagna
venuta
dalla montagna
che
avevano in casa da pochi mesi:
e fu
proprio da allora che il Marchese
dispensò
il figlio dal dire il rosario.
Si vede
che, per acquisire maggiore virtù,
voleva
rispondere solo lui).
***
Il fatto
è che il Marchesino, con meraviglia,
quando
poi si alzò, a metà giornata,
anziché
prendersi la ramanzina
che
aspettava, dal capo famiglia,
sentì che
in cucina suo papà
diceva
alla cuoca: - “Neh, Gioconda,
gli
gnocchi, è meglio non farli più, per cena;
perché è
un piatto pesante
che a
digerirlo di notte, sia poco o tanto,
fa’
perdere a tutti la trebisonda!!”
|