Sinceritaa

Al dì d'incoeu, per scriv in sui gazzett
Occor de mett de pôs la veritaa,
Doprà dell'oli, vong de maladett
Fuss anca in del parlà de robb malfaa.

Allora s'è sicur d'avègh l'effett:
S'è lisciaa, s'è piasuu, s'è carezzaa,
Se deventa el carrett di bei donnett,
Per sorapù, magara, s'è pagaa...

Ma, fin che s'è grubbian come sont mì,
No se incontra che mocch e repetton.
Fa nagott, però, avanti sempr'inscì !

Perchè a mì me darann dell'"andeghee",
Me disarann "scortes", "desgarbadon",
Ma sfidi chi pò damm del "leccapee"!

(1892)